პროექტს ორი მიზანი აქვს. ერთი მხრივ, უკრაინა-რუსეთის კონფლიქტის ტრანსფორმაციის მხარდაჭერა, საქართველოში უკრაინელი და რუსი საშუალო რანგის ოფიციალური პირების პირისპირ შეხვედრების მეშვეობით; და მეორე მხრივ, უკრაინაში მიმდინარე პოლიტიკური და ეკონომიკური ტრანსფორმაციის მხარდაჭერა საქართველოს გამოცდილების გაზიარების საშუალებით.

პროექტის მიზანია ხელი შეუწყოს ქართველ და რუს ახალგაზრდებს შორის ნდობის მშენებლობას და წვლილი შეიტანოს ქართულ-რუსული კონფლიქტის ტრანსფორმაციაში.

”კავკასიური სახლის ინტერნეტ დღიურის” საშუალებით პერიოდულად მიმდინარეობს როგორც საარქივო, ასევე ახალი ვიდეო-დოკუმენტაციის ატვირთვა და საზოგადოებისთვის მათი გაზიარება, რაც სრულიად გამჭვირვალეს ხდის ორგანიზაციის საქმიანობას, ამავე დროს წარმოაჩენს ორგანიზაციის მიზნებსა და ამოცანებს.

„მრავალეროვანი საკვირაო სკოლა“ დევნილი და სოციალურად დაუცველი ბავშვებისთვის შეიქმნა 2001 წელს, სკოლის ძირითადი მიზანი არის ომის შედეგად დაზარალებული და სოციალურად დაუცველი ბავშვების ფსიქოლოგიური რეაბილიტაცია; ეთნიკური და რელიგიური უმცირესობების წარმომადგენელი ბავშვების ინტეგრაცია.

ორგანიზაციის ერთ–ერთ პრიორიტეტულ მიმართულებად კვლავაც რჩება მხატვრული თარგმანისა და ზოგადად კულტურული პროცესების განვითარების ხელშეწყობა. ყოველწლიურად „კავკასიური სახლი“ 10-მდე ნამუშევარს გამოსცემს.

პროექტის მიზანია საქართველოს ეფექტიანი კავკასიური პოლიტიკის ხელშეწყობა ახალგაზრდების განათლებისა და ინფორიმერებულობის გაზრდის მეშვეობით და ახალგაზრდებს შორის, ინტერ-კულტურული დიალოგის გზით კავკასიელი ხალხების ინტეგრაციისა და კავკასიის რეგიონული განვითარების ხელშეწყობა.