”კავკასიური სახლის” მისიაა შექმნას იდეური და ინტელექტუალური საფუძველი საქართველოს, როგორც მულტიეთნიკური ქვეყნის,და კავკასიის მშვიდობიანი განვითარებისა და კულტურული ინტეგრაციისათვის; გაავრცელოს ზოგადჰუმანიტარული და სამოქალაქო განათლება; წაახალისოს კულტურათა შორის დიალოგი და ამ გზით დააკავშიროს სხვადასხვა ეთნიკური თუ რელიგიური უმცირესობები.

კინო-ჩვენება და დისკუსია გორში

21 დეკემბერს, 15:00 საათზე „კავკასიური სახლი“ გეპატიჟებით ვიდეოს ჩვენებაზე – „ახალგაზრდები: ყოველდღიურობა საქართველოში“.

ჩვენება გაიმართება დემოკრატიული ჩართულობის ცენტრების ქსელის გორის ოფისში .

მის: იერუშალაიმის ქ. #18 , ქ. გორი.

ვიდეო შედგება ხუთი ინტერვიუსგან, სადაც რესპონდენტები გვიზიარებენ იმ ყოველდღიურობას, რომელსაც ქვეყნის ახალგაზრდების უმრავლესობა საკუთარ თავზე განიცდის. ხუთივე მათგანი დასაქმებულია, მათი ძირითადი ნაწილი – მომსახურების სფეროში. ინტერვიუებიდან შეგვიძლია გავიგოთ, თუ როგორ აფასებენ ვალერი, ანა, ლუკა, ლადო და ნინო მათ წინაშე შექმნილ რეალობას, მიღებულ განათლებას და სამუშაო პირობებს, როგორ უყურებენ მომავალს, რა მოლოდინები და იმედები აქვთ. ახალგაზრდების ისტორიები იმეორებს ერთმანეთს და ქვეყანაში დღეს არსებულ მძიმე სოციალურ მდგომარეობას წარმოაჩენს.

ინტერვიუების ჩვენების შემდეგ გაიმართება დისკუსია რესპონდენტების მიერ წამოჭრილი საკითხების ირგვლივ, მათ შორის, ისეთ საკითხებზე, როგორიცაა განათლების ხელმისაწვდომობის, დასაქმების და ახალგაზრდების პოლიტიკური ჩართულობის პრობლემები.

მომხსენებლები:
ნათია ნადირაძე – გორის საინფორმაციო ცენტრის პროექტების მენეჯერი
თორნიკე ჩივაძე – european.ge -ს ერთ-ერთი რედაქტორი და ეკონომიკის მკვლევარი

დასწრება თავისუფალია!

ვიდეო გადაღებულია კავკასიური სახლისა და International Alert-ის პროექტის ფარგლებში „ახალგაზრდული სამოქალაქო დიალოგის ინიციატივა”.

კინო-ჩვენება და დისკუსია ოზურგეთში

20 დეკემბერს, 15:00 საათზე „კავკასიური სახლი“ გეპატიჟებით ვიდეოს ჩვენებაზე – „ახალგაზრდები: ყოველდღიურობა საქართველოში“.

ჩვენება გაიმართება დემოკრატიული ჩართულობის ცენტრების ქსელის ოზურგეთის ოფისში .

მის: ჭავჭავაძის ქ. #14; ოზურგეთი

ვიდეო შედგება ხუთი ინტერვიუსგან, სადაც რესპონდენტები გვიზიარებენ იმ ყოველდღიურობას, რომელსაც ქვეყნის ახალგაზრდების უმრავლესობა საკუთარ თავზე განიცდის. ხუთივე მათგანი დასაქმებულია, მათი ძირითადი ნაწილი – მომსახურების სფეროში. ინტერვიუებიდან შეგვიძლია გავიგოთ, თუ როგორ აფასებენ ვალერი, ანა, ლუკა, ლადო და ნინო მათ წინაშე შექმნილ რეალობას, მიღებულ განათლებას და სამუშაო პირობებს, როგორ უყურებენ მომავალს, რა მოლოდინები და იმედები აქვთ. ახალგაზრდების ისტორიები იმეორებს ერთმანეთს და ქვეყანაში დღეს არსებულ მძიმე სოციალურ მდგომარეობას წარმოაჩენს.

ინტერვიუების ჩვენების შემდეგ გაიმართება დისკუსია რესპონდენტების მიერ წამოჭრილი საკითხების ირგვლივ, მათ შორის, ისეთ საკითხებზე, როგორიცაა განათლების ხელმისაწვდომობის, დასაქმების და ახალგაზრდების პოლიტიკური ჩართულობის პრობლემები.

მომხსენებლები:

თამარ ღლონტი – გურიის ახალგაზრდული რესურსცენტრის დამფუძნებელი და აღმასრულებელი დირექტორი
ნონა სადრაძე – ახალგაზრდა პედაგოგთა კავშირის ახალგაზრდული პროგრამების მენეჯერი

დასწრება თავისუფალია!

ვიდეო გადაღებულია კავკასიური სახლისა და International Alert-ის პროექტის ფარგლებში „ახალგაზრდული სამოქალაქო დიალოგის ინიციატივა”.

ახალგაზრდები: ყოველდღიურობა საქართველოში

14 დეკემბერს, 19:00 საათზე „კავკასიურ სახლში“ გეპატიჟებით ვიდეოს ჩვენებაზე – „ახალგაზრდები: ყოველდღიურობა საქართველოში“.

ვიდეო შედგება ხუთი ინტერვიუსგან, სადაც რესპონდენტები გვიზიარებენ იმ ყოველდღიურობას, რომელსაც ქვეყნის ახალგაზრდების უმრავლესობა საკუთარ თავზე განიცდის. ხუთივე მათგანი დასაქმებულია, მათი ძირითადი ნაწილი – მომსახურების სფეროში. ინტერვიუებიდან შეგვიძლია გავიგოთ, თუ როგორ აფასებენ ვალერი, ანა, ლუკა, ლადო და ნინო მათ წინაშე შექმნილ რეალობას, მიღებულ განათლებას და სამუშაო პირობებს, როგორ უყურებენ მომავალს, რა მოლოდინები და იმედები აქვთ. ახალგაზრდების ისტორიები იმეორებს ერთმანეთს და ქვეყანაში დღეს არსებულ მძიმე სოციალურ მდგომარეობას წარმოაჩენს.

ინტერვიუების ჩვენების შემდეგ გაიმართება დისკუსია.

მომხსენებლები:
გიორგი ღვინჯილია – სოციალური აქტივისტი
თამუნა ქებურია – “ადამიანის უფლებების სწავლებისა და მონიტორინგის ცენტრის” პროექტების კოორდინატორი, სოციოლოგი

მოდერატორი:
ვანო აბრამაშვილი – “კავკასიური სახლის” აღმასრულებელი დირექტორი

მისამართი: გალაკტიონ ტაბიძის ქ. 20
დასწრება თავისუფალია!

ვიდეო გადაღებულია კავკასიური სახლისა და International Alert-ის პროექტის ფარგლებში „ახალგაზრდული სამოქალაქო დიალოგის ინიციატივა”.

გამოფენა: ინგუშეთი-კოშკებისა და ლეგენდების მხარე

17 დეკემბერს 12:00-დან 21:00 სთ-მდე გეპატიჟებით ინგუშეთის რესპუბლიკის მიერ ორგანიზებულ ფოტოგამოფენაზე ინგუშური კულტურის გაცნობის მიზნით. ფოტოგამოფენის გარდა თქვენ გელოდებათ სუვენირები, ეროვნული სამზარეულოს დეგუსტაცია და ინგუშური ცეკვები.

მისამართი: გალაკტიონ ტაბიძის 20, “კავკასიური სახლი”
დასწრება თავისუფალია!

საპრეზიდენტო არჩევნები და პოლიტიკური მდგომარეობა ქვეყანაში

28 ოქტომბერს გამართულ საპრეზიდენტო არჩევნებში „ერთიანი ნაციონალური მოძრაობისა“ და „ქართული ოცნების“ მხარდაჭერილმა კანდიდატებმა თითქმის თანაბარი ხმები მიიღეს, ხოლო მოსახლეობის დიდმა ნაწილმა თავი შეიკავა არჩევანის გაკეთებისგან.

აღნიშნულმა შედეგმა დაადასტურა, რომ საზოგადოების უმრავლესობა უკმაყოფილოა „ქართული ოცნების“ მმართველობით, რომელმაც ქვეყანას ვერ შესთავაზა ალტერნატიული განვითარების პოლიტიკა. თავის მხრივ მიმდინარე კრიზისი მნიშვნელოვნად ზრდის „ერთიანი ნაციონალური მოძრაობის“ ხელისუფლებაში დაბრუნების შესაძლებლობას, რომელიც 2012 წელს, მოსახლეობის დიდმა ნაწილმა მკვეთრად ავტორიტარული და არადემოკრატიული მმართველობის გამო გადაირჩია.

აღნიშნულ დისკუსიაზე მომხსენებლები საპრეზიდენტო არჩევნების მაგალითზე გაანალიზებენ საქართველოში შექმნილ პოლიტიკურ ვითარებას. საუბარი ასევე შეეხება იმას, თუ რა გზა განვლო 2012 წლიდან საქართველომ და რატომ დგას დღეს „ერთიანი ნაციონალური მოძრაობის“ გაძლიერების საკითხი; რა გავლენას იქონიებს არჩევნებში როგორც ერთი, ისე მეორე კანდიდატის გამარჯვება სამომავლო პოლიტიკურ პროცესებზე და არსებობს თუ არა სივრცე უახლოეს მომავალში, მესამე, ალტერნატიული პოლიტიკური ძალის გამოჩენისთვის.

მომხსენებლები:
ანა დოლიძე – იუსტიციის უმაღლესი საბჭოს წევრი, საერთაშორისო სამართლის პროფესორი.
ლევან ლორთქიფანიძე – „კავკასიური სახლის“ გამგეობის წევრი, პოლიტოლოგი.
გია აბაშიძე – პოლიტიკის ანალიტიკოსი, საერთაშორისო მიმომხილველი.

მოდერატორი:
ვანო აბრამაშვილი – „კავკასიური სახლის” აღმასრულებელი დირექტორი.

დასწრება თავისუფალია!
მისამართი: გალაკტიონ ტაბიძის 20, “კავკასიური სახლი”

დისკუსია ტარდება “კავკასიური სახლისა“ და საერთაშორისო არასამთავრობო ორგანიზაცია „International Alert”-ის პროექტის „ახალგაზრდული სამოქალაქო დიალოგის ინიციატივა“ ფარგლებში

ჟურნალ “აფრას” ახალი ნომერი

📗 გამოვიდა სალიტერატურო, რელიგიურ-ფილოსოფიურ და საზოგადოებრივ ჟურნალ ,,აფრას” 25-ე ნომერი.

📗 შეგიძლიათ შეიძინოთ ,,კავკასიურ სახლში”

💵 ფასი: 10 ლარი
☎️ საკონტაქტო ინფორმაცია: (0322) 93 50 88 ; 598 59 50 59

საჯარო დისკუსია წნორში

3 ნოემბერს „კავკასიური სახლის“ ორგანიზებით წნორში „ცოდნის კაფეში“ გაიმართა დისკუსია “გამყოფ ხაზს 2 მხარე აქვს: აფხაზ ახალგაზრდებთან შეხვედრისა და ნდობის აღდგენის პროექტების გამოცდილება”

დისკუსიაზე მოხსენებებით წარდგნენ ივანე აბრამაშვილი, კავკასიური სახლის აღმასრულებელი დირექტორი, და სამშვიდობო პროცესებში ჩართული ახალგაზრდები – ესმა გუმბერიძე და გიორგი ყარალაშვილი. დისკუსიას მოდერაცია გაუწია ელოკო ბენდელიანმა, -მშვიდობისა და სამოქალაქო განვითარების ცენტრის გამგეობის თავმჯდომარე. დისკუსიაზე მომხსენებელმა ისაუბრეს ნდობის აღდგენის პროექტებში მონაწილეობისას მიღებულ გამოცდილებაზე და დამსწრეებს გაუზიარეს აფხაზი თანატოლების შეხედულებები.

დისკუსია ჩატარდა “კავკასიური სახლისა“ და საერთაშორისო არასამთავრობო ორგანიზაცია „International Alert”-ის პროექტის „ახალგაზრდული სამოქალაქო დიალოგის ინიციატივა“ ფარგლებში

ახალი გამოცემა: “კავკასიური ეტიკეტი”

,,კაფკის (კავკასიის – ნ. ანთელავა) მთებში, – წერდა IX საუკუნის მეორე ნახევარში არაბი გეოგრაფი იბნ ალ-ფაქიხ ალ-ჰამადანი, – 72 ტომია, რომლებსაც, თარჯიმნის გარეშე, ერთმანეთის ენა არ ესმით“. მოგვიანებით, შუასაუკუნეების აღმოსავლელ ავტორთა თხზულებებში კავკასიის ეს განსაზღვრება გამოიხატა ცნობილ თქმაში: „ჯებელ ულ-ალ სუნ“ – „ენათა მთა“, ხოლო სპარსული და არაბული გეოგრაფიული შრომების გამოჩენამდე რამდენიმე საუკუნით ადრე, კავკასიის მრავალეროვნებაზე ანტიკური ავტორები წერდნენ. მაგალითად, სტრაბონი გვამცნობს 70 ხალხზე, რომლებიც დიოსკურიადაში იკრიბებოდნენ და სხვადასხვა ენაზე ლაპარაკობდნენ. ძვ. წ. I საუკუნის ბერძენი გეოგრაფის ეს ცნობა დიდ გადაჭარბებად არ გვეჩვენება, რამდენადაც მასში რეალურად აისახა კავკასიის რეგიონის ეთნიკური მოზაიკა, რომელიც საუკუნეების განმავლობაში ასე ანცვიფრებდა თანამედროვეებს. გვიანი შუა საუკუნეებისა და ახალი პერიოდის ავტორებს ანცვიფრებდა და ხიბლავდა არა იმდენად ხალხთა და ენათა სიმრავლე, რამდენადაც კავკასიურ თვითმყოფად კულტურათა მრავალფეროვნება. ამ მრავალგვარ ტრადიციულ კულტურათა ნაწილმა ტრანსფორმაცია განიცადა ან, დროსთან შეუსაბამობის გამო, სრულიად გაქრა. მაგრამ ისიც უნდა ითქვას, რომ არსებობს მარადიული ,,წესები“ და ,,კანონები“, რომლებსაც დრო ვერ გადააფასებს, განძივით უნდა შემოინახოს. გამოწვევების წინაშე მდგარ თანამედროვე ადამიანს მორალის, სულიერების საკითხების გადაწყვეტა და ამ საკითხებთან დაკავშირებულ კითხვებზე პასუხების მოძებნა ხშირად უჭირს, ამ დროს ეს საუნჯე გვეიმედება. დიახ, ადამიანური ურთიერთობები, სხვებთან და ერთმანეთთან დამოკიდებულება, შემწყნარებლობა,

სხვისი აზრის გათვალისწინება, თანაცხოვრების კულტურა და კიდევ ბევრი რამ, `კავკასიურ კოდექსში“ მზამზარეულად დევს. ამას ადასტურებს ის, რომ კავკასიაში მცხოვრებ ხალხს არ უჭირდა ერთმანეთთან საერთო ენის გამონახვა იქამდე, ვიდრე გარეშე ძალა არ ჩაერეოდა ხოლმე. ეს წიგნი არის თითქმის პირველი მცდელობა, ერთად თავმოყრილიყო რამდენიმე, ამ მიმართულებით მომუშავე მეცნიერისა და სპეციალისტის ნაშრომები და საერთო სათაურის – `კავკასიური ეტიკეტის“ – ქვეშ გაერთიანებულიყო.

წიგნი შეგიძლიათ შეიძინოთ ,,კავკასიურ სახლსა” და წიგნის მაღაზიებში.

💵 ფასი 12 ლარი
☎️ საკონტაქტო ინფორმაცია: (0322) 93 50 88 ; 598 59 50 59

ახალი გამოცემა: ნიკოლაი ბერდიაევის ,,ერი და კაცობრიობა” და ზურაბ კიკნაძის ,,ერი და ქრისტიანობა”

ერთ წიგნში თავმოყრილია ორი ავტორის ნააზრევი. ნიკოლაი ბერდიაევის ,,ერი და კაცობრიობა” და ზურაბ კიკნაძის ,,ერი და ქრისტიანობა”

📚 სახელგანთქმული რუსი ფილოსოფოსის ნიკოლაი ბერდიაევის (1874-1948) წერილები ერისა და კაცობრიობის შესახებ ერთი წახნაგია მისი ფილოსოფიური თუ პუბლიცისტური შემოქმედებისა. მათში გამოთქმულია აზრები ერზე, მის განუმეორებლობაზე, მის ადგილზე ისტორიასა და კაცობრიობაში, ნაციონალიზმზე, მესიანიზმზე, სახელმწიფოსა და იმპერიალიზმზე, დღემდე ახლებურად ჟღერს. ამ ნააზრევში, როგორც სხვა ნაშრომებში, ავტორი ეფუძვნება უპირობო თავისუფლების პრინციპს. მე ყოველთვის შეუქმნელი, დასაბამიერი თავისუფლების იდეაში ვპოვებდი გამოსავალსო, – წერს ერთგან ფილოსოფოსი და ამ იდეიდან გამომდინარე, გაიაზრებს ეროვნულ პრობლემასაც.

📚 ზურაბ კიკნაძის ესეებში განხილულ საკითხებს თავად მათი სათაურები მოწმობს: ,,ნათესავიდან ერამდე” და ,,ერი და სახელმწიფო” ეხება ერის (Nation) ცნების ტრანსფორმაციას ადრეული შუა საუკუნეებიდან მე-20 საუკუნემდე. ,,ერი და ჭეშმარიტება” არკვევს ჭეშმარიტების, როგორც მაღალი ინსტანციის, მონაწილეობას სამშობლოს ცნების განსაზღვრისას; ,,ეროვნული პრობლემა მართლმადიდებლურ ტრადიციებში” და ,,რა არის ფილეტიზმი” განიხილავს ერისა და ქრისტიანობის დამოკიდებულებას ისტორიულ პერსპექტივასა და დღევანდელობაში. ,,მრავალსახეობა ერთობისა”, ,,ობოლი ერი”, ,,იდენტობა” და ,,ეროვნული მესიანიზმი” ეხება ქართველი ხალხის ისტორიულად ჩამოყალიბებულ ტომობრივ სტრუქტურას, მესიანისტური იდეის დანერგვის წარუმატებელ მცდელობას ეროვნულ-განმათავისუფლებელი მოძრაობის პერიოდში (1989-1991)

წიგნი შეგიძლიათ შეიძინოთ ,,კავკასიურ სახლსა” და წიგნის მაღაზიებში

💵 ფასი 10 ლარი
☎️ საკონტაქტო ინფორმაცია: (0322) 93 50 88 ; 598 59 50 59

საჯარო დისკუსია წნორში: გამყოფ ხაზს 2 მხარე აქვს

3 ნოემბერს 16 სთ-ზე წნორში, “ცოდნის კაფეში” (მისამართი: დავით აღმაშენებელის ქ. III შესახვევი) „კავკასიური სახლი“ გიწვევთ დისკუსიაზე “გამყოფ ხაზს 2 მხარე აქვს: აფხაზ ახალგაზრდებთან შეხვედრისა და ნდობის აღდგენის პროექტების გამოცდილება”

25 წელი გავიდა აფხაზეთის ომის შემდეგ. თუმცა კონფლიქტის მოგვარების გზა ჯერჯერობით ვერ გამოიძებნა. ამასობაში იზრდებიან თაობები, კონფლიქტით ორად გაყოფილი საზოგადოებები ცალ-ცალკე აგრძელებენ ცხოვრებას, ეძებენ განვითარების გზებს, ერთმანეთის შესახებ კი უფრო და უფრო ნაკლები ინფორმაცია აქვთ. კონფლიქტის ირგვლივ გამყოფი ხაზის ორივე მხარეს უამრავი მითი იქმნება. ამასობაში დროდადრო იმართება ნდობის აღდგენის მიზნით სხვადასხვა შეხვედრები, ღონისძიებები, სადაც ახალგაზრდები ერთმანეთს ესაუბრებიან. თუმცა აღნიშნული შეხვედრები საზოგადოების დიდი ნაწილისთვის შეუმჩნეველია. სწორედ ასეთი პროექტების, მათი მიმდინარეობისას გამართული დისკუსიების/საუბრების შესახებ მსჯელობას დაეთმობა წნორში, ცოდნის კაფეში.

მომხსენებლები:
ივანე აბრამაშვილი – კავკასიური სახლის აღმასრულებელი დირექტორი
ესმა გუმბერიძე – ქართულ–აფხაზური დიალოგის პროექტების მონაწილე
გიორგი ყარალაშვილი – ქართულ–აფხაზური დიალოგის პროექტების მონაწილე

მოდერატორი :
ელიკო ბენდელიანი -მშვიდობისა და სამოქალაქო განვითარების ცენტრის გამგეობის თავმჯდომარე

დისკუსიაზე მომხსენებლები ისაუბრებენ ნდობის აღდგენის პროექტებში მონაწილეობისას მიღებულ გამოცდილებაზე. დამსწრეებს გაუზიარებენ აფხაზი თანატოლების შეხედულებებს. ღონისძიება ითვალისწინებს აქტიურ დისკუსიას და კითხვა–პასუხის რეჟიმს.

მისამართი: “ცოდნის კაფე”, დავით აღმაშენებელის ქ. III შესახვევი, N 3, წნორი

დისკუსია ტარდება “კავკასიური სახლისა“ და საერთაშორისო არასამთავრობო ორგანიზაცია „International Alert”-ის პროექტის „ახალგაზრდული სამოქალაქო დიალოგის ინიციატივა“ ფარგლებში.