სალაფიზმი საქართველოსა და მსოფლიოში: თეოლოგიური და პოლიტიკური ასპექტები

16 მაისს „კავკასიურ სახლში“ გაიმართა საჯარო დისკუსია თემაზე „სალაფიზმი საქართველოსა და მსოფლიოში: თეოsal4ლოგიური და პოლიტიკური ასპექტები“.

შეხვედრა მიეძღვნა ისლამს და მუსლიმურ თემს საქართველოში, კერძოდ კი მის ერთ-ერთ მიმდინარეობას, სალაფიზმს. კავკასიური სახლისთვის ეს თემა არ არის ახალი. ორგანიზაცია სხვადასხვა კუთხით ყოველთვის მუშაობდა ამ საკითხებზე. წელს „კავკასიურმა სახლმა“ ჩაატარა კვლევა საქართველოში ისლამური თემის და ხელისუფლების პოლიტიკის შესახებ, რომელიც უახლოეს პერიოდში გამოქვეყნდება.

დისკუსიაზე მომხსენებლებმა ისაუბრეს სალაფიზმის ფორმირების ისტორიაზე, მის თანმიმდევრულ მიმდინარეობად ჩამოყალიბების ასპექტებზე, კავკასიაში სალაფიტური მოძრაობის რელიგიურ, სოციალურ და პოლიტიკურ აქტივიზმზე და პანკისის ხეობაში არსებულ ვითარებაზე.

დისკუსია გახსნა ილიას სახელმწიფო უნივერსიტეტის პროფესორმა გიორგი სანიკიძემ, თემით: სალაფიზმის ფორმირების ისტორია და მის თანმიმდევრულ მოძრაობად ჩამოყალიბების ასპექტები, იგი ასევე შეეხო ისლამის რელიგიის ძირითად მიმართულებებს და სალაფიტური სკოლის განმასხვავებელ თეოლოგიურ ნიშნებს, მის პოლიტიკურ მოძრაობად sal3გადაქცევის მიზეზებს.

დისკუსიაზე სიტყვით გამოვიდა „კავკასიური სახლის“ მკვლევარი გელა ხმალაძე, რომელმაც ჩრდილოეთ კავკასიაში სალაფიტურ მოძრაობაზე ისაუბრა. მოხსენება შეეხებოდა სალაფიტური მოძრაობის პოპულარიზაციის მიზეზებს, რუსეთის ხელისუფლების მხრიდან ზეწოლაზე ისლამის რეაქციას, რეგიონში სალაფიტური მოძრაობის რელიგიურ, სოციალურ და პოლიტიკურ აქტივიზმს.

პანკისში სალაფიტური მეჩეთის იმამმა ვახტანგ ფარეულიძემ პანკისის ხეობაში არსებულ ვითარება და სახელმწიფოს პოლიტიკა ხეო
ბის სალაფიტური მოსახლეობის მიმართ გააცნო აუდიტორიას. იმამი შეეხო სალაფიზმის მიმდინარეობის განმასხვავებელ თეოლოგიურ ასპექტებს და ძირითად განსხვავებებზე სალაფიზმს და ვაჰაბიზმს შორის. ვახტანგ ფარეულიძემ ასევე ყურადღება გაამახვილა ისლამის როლზე პანკისის ხეობის სტაბილიზაციაში.

დისკუსიაში მონაწილეობა მიიღეს სახელმწიფო სტრუქტურების, არასამთავრობო ორგანიზაციების, საექსპერტო, საუნივერსიტეტო წრეების და საქართველოში აკრედიტირებული საელჩოების წარმომადგენლებმა.


            sal1    sal2

სალაფიზმი საქართველოსა და მსოფლიოში: თეოლოგიური და პოლიტიკური ასპექტები

16 მაისს, 19:00 საათზე, ,,კავკასიური სახლი” გიწვევთ საჯარო დისკუსიაზე:

„სალაფიზმი საქართველოსა და მსოფლიოში: თეოლოგიური და პოლიტიკური ასპექტები“

მომხსენებლები:
ვახტანგ ფარეულიძე – პანკისის ხეობის ერთ-ერთი იმამი; საქართველოს მუსლიმთა განათლების, კულტურისა და განვითარების ორგანიზაციის დირექტორი; არაბული ენისა და ისლამური რელიგიის სპეციალისტი.
გიორგი სანიკიძე – ილიას სახელმწიფო უნივერსიტეტის პროფესორი
გელა ხმალაძე – კავკასიური სახლის მოწვეული მკვლევარი

მოდერატორი:
რევაზ ქოიავა – კავკასიური სახლის მკვლევარი

დისკუსიაზე მომხსენებლები ისაუბრებენ სალაფიზმის ფორმირების ისტორიაზე, მის თანმიმდევრულ მიმდინარეობად ჩამოყალიბების ასპექტებზე, კავკასიაში სალაფიტური მოძრაობის რელიგიურ, სოციალურ და პოლიტიკურ აქტივიზმზე და პანკისის ხეობაში არსებულ ვითარებაზე.

სამუშაო ენა: ქართული
დისკუსია გაიმართება „კავკასიურ სახლში“
მისამართი: თბილისი, გალაკტიონის #20
დასწრება თავისუფალია!

„სალაფიზმი საქართველოსა და მსოფლიოში: თეოლოგიური და პოლიტიკური ასპექტები“

16 მაისს, 19:00 საათზე, ,,კავკასიური სახლი” გიწვევთ საჯარო დისკუსიაზე:
„სალაფიზმი საქართველოსა და მსოფლიოში: თეოლოგიური და პოლიტიკური ასპექტები“
 
მომხსენებლები:
ვახტანგ ფარეულიძე – პანკისის ხეობის ერთ-ერთი იმამი; საქართველოს მუსლიმთა განათლების, კულტურისა და განვითარების ორგანიზაციის დირექტორი; არაბული ენისა და ისლამური რელიგიის სპეციალისტი.
გიორგი სანიკიძე – ილიას სახელმწიფო უნივერსიტეტის პროფესორი
გელა ხმალაძე – კავკასიური სახლის მოწვეული მკვლევარი
 
მოდერატორი:
რევაზ ქოიავა – კავკასიური სახლის მკვლევარი
 
მსოფლიოში ბოლო პერიოდში განვითარებულმა მოვლენებმა ისლამის თემის ხელახალი აქტუალიზება გამოიწვია. სალაფიტური მოძრაობის აღმასვლა არაბული გაზაფხულის შემდეგ სამეცნიერო-ანალიტიკურ წრეებში დიდ ყურადღებას იპყრობს. ისლამის სახელით განხორციელებული ტერორისტული თავდასხმები მსოფლიოს მასთან ურთიერთობის ახალი ფორმების გამონახვას აიძულებს.
 
გეოპოლიტიკური მდებარეობიდან და ქვეყნის რელიგიური შემადგენლობიდან გამომდინარე საქართველოსთვის ისლამთან მიმართებით სწორი ხედვის და პოლიტიკის შემუშავებას სასიცოცხლო მნიშვნელობა ენიჭება.
დისკუსიაზე მომხსენებლები ისაუბრებენ სალაფიზმის ფორმირების ისტორიაზე, მის თანმიმდევრულ მიმდინარეობად ჩამოყალიბების ასპექტებზე, კავკასიაში სალაფიტური მოძრაობის რელიგიურ, სოციალურ და პოლიტიკურ აქტივიზმზე და პანკისის ხეობაში არსებულ ვითარებაზე.
 
სამუშაო ენა: ქართული
დისკუსია გაიმართება „კავკასიურ სახლში“
მისამართი: თბილისი, გალაკტიონის #20
დასწრება თავისუფალია!

ისლამი საქართველოში – სახელმწიფო პოლიტიკა და ხედვა რეგიონებიდან

5 აპრილს კავკასიური სახლის ორგანიზებით ჩატარდა კონფერენცია თემაზე ,,ისლამი საქართველოში – სახელმწიფო პოლიტიკა და ხედვა რეგიონებიდან“. კონფერენცია გაიხსნა ისლამის რელიგიური და პოლიტიკური ასპექტებზე მსჯელობით. ასევე განხილულ იქნა თანამედროვე სახელმწიფოს მშენებლობის პროცესში სეკულარიზმის მნიშვნელობა. მოხსენებებით წარდგნენ კავკასიური სახლის აზიური მიმართულების ხელმძღვანელი გიორგი ლობჟანიძე, ილიას სახელმწიფო უნივერსიტეტის პროფესორი გიორგი სანიკიძე და ფილოსოფოსი ზაზა შათირიშვილი.

კონფერენციის მეორე ნაწილი დაეთმო სახელმწიფო უწყებების საქმიანობის ანალიზს მუსლიმურ თემთან მიმართებით. აღნიშნულ საკითხზე ვრცლად ისაუბრა რელიგიის საკითხთა სახელმწიფო სააგენტოს თავჯდომარემ – ზაზა ვაშაყმაძემ. მოხსენება შეეხებოდა ხელისუფლების მიერ საქართველოში წარმოდგენილი ძირითადი კონფესიების მხარდაჭერას და მათ შორის განსაკუთრებული ყურადღება გამახვილდა მუსლიმურ თემზე.

კონფერენციაზე შეკრებილ საზოგადოებას ასევე სიტყვით მიმართა სრულიად საქართველოს მუსლიმთა სამმართველოს შეიხმა რამინ იგიდოვმა და აღმოსავლეთ საქართველოს მუფთმა იასინ ალიევმა. მათ ისაუბრეს სამმართველოს პრიორიტეტებზე და აღნიშნეს საქართველოში მუსლიმური სასწავლებლების გახსნის მნიშვნელობაზე. შეხვედრის ბოლო ნაწილი დაეთმო საქართველოს რეგიონებიდან, კერძოდ კი ქვემო ქართლიდან, პანკისიდან და აჭარიდან მომხსენებლებს.

ასევე, „კავკასიური სახლის“ მკვლევრებმა, არჩილ სიხარულიძემ და გელა ხმალაძემ კონფერენციის მონაწილეებს გააცნეს საქართველოში მუსლიმური თემის ინტეგრაციის პროცესებზე ჩატარებული თვისებრივი სოციოლოგიური კვლევის შედეგები და ძირითადი მიგნებები.
კონფერენციაში მონაწილეობა მიიღეს სახელმწიფო სტრუქტურების, ადგილობრივი და საერთაშორისო არასამთავრობო ორგანიზაციების, საექსპერტო წრეებისა და საქართველოში აკრედიტირებული საელჩოების წარმომადგენლები.

კონფერენცია გაიმართა დიდი ბრიტანეთის საელჩოს ფინანსური მხარდაჭერით.

კონფერენცია – ,,ისლამი საქართველოში – სახელმწიფო პოლიტიკა და ხედვა რეგიონებიდან’’

2016  წლის 5 აპრილს ურთიერთობათა ცენტრის – კავკასიური სახლის ორგანიზებით გაიმართება კონფერეცია  – ,,ისლამი საქართველოში – სახელმწიფო  პოლიტიკა და ხედვა რეგიონებიდან’’

 

კონფერენციაზე განიხილება ისლამის რელიგიური და პოლიტიკური ასპექტები და

საქართველოს სახელმწიფო პოლიტიკა მუსლიმურ თემთან მიმართებაში. კონფერენციის ერთი ნაწილი დაეთმობა რეგიონებიდან მუსლიმური თემის წარმომადგენლების მოხსენებებს. ასევე, მოხდება „კავკასიური სახლის“ მიერ საქართველოში მუსლიმური თემის ინტეგრაციის პროცესებზე ჩატარებული თვისებრივი სოციოლოგიური კვლევის შედეგების და ძირითადი მიგნებების გაცნობა.

 

დამატებითი ონფორმაციისთვის გთხოვთ დაუკავშირდეთ რაუფ ჭიჭინაძეს (+995 592 810 810, ელ-ფოსტა: rauphi.chichinadze@caucasianhouse.ge )

 

 

კონფერენცია იმართება „კულტურულ ურთიერთობათა ცენტრი – კავკასიური სახლის“ მიერ, დიდი ბრიტანეთის საელჩოს ფინანსური მხარდაჭერით.

ტერაქტები პარიზში, ტრიკოლორი და ჩვენი სოციალური ქსელები

13 ნოემბერს პარიზში მომხდარმა ტრაგედიამ ყველა ერთნაირად შეგვზარა და გაგვაერთიანა. თუმცა ეს იყო მხოლოდ ერთი დღით (როგორც ხშირად ხდება ხოლმე ჩვენ საზოგადოებაში). მეორე დღეს კი წამოვიდა ,,ალტერნატიული პოსტები”, რომლებიც მიგვითითებდნენ იმაზე, თუ რა ხდება აფრიკისა და აზიის სხვადასხვა ქვეყნებში. რის გამოც თითქოს უნდა შერცხვეს საზოგადოების იმ ნაწილს, რომელიც პარიზის ტრაგედიისადმი გამოხატავს თავის თანადგომას?! ამ ადამიანებთან იმაზე კამათს არის თუ არა ყველა ადამიანის სიცოცხლე ერთნაირად ფასეული, ნამდვილად არ ვაპირებ, უბრალოდ ერთი კითხვა მაქვს მათთან: თქვენ რატომ გახსენდებათ ასეთი შემთხვევები მხოლოდ მაშინ, როცა დასავლეთის რომელიმე ქვეყნის ტრაგედიის საპირწონედ გჭირდებათ ასეთი ფაქტები?

სოციალურ ქსელებში ხშირია ქილიკი იმაზე, რომ მეგობრების უმრავლესობამ საფრანგეთის დროშები დააყენა მთავარ ფოტოებად. კი, შესაძლებელია, ისინი ამით რეალობას ვერ შეცვლიან, დაზარალებულების მდგომარეობას ვერაფრით გააუმჯობესებენ, თუმცა ესაა ამ ადამიანების თანაგრძნობის ფორმა და პატივი უნდა ვცეთ გამოხატვის ამ ფორმას. გავიხსენოთ მაგალითად, ქართველი კადეტების ტრაგიკული დაღუპვის გამო რამდენმა ამერიკელმა გამოხატა იგივე ფორმით თავისი წუხილი და თანაგრძნობა. რაკი გვახსოვს და ვაქცევთ ყურადღებას ასეთ ,,წვრილმანებს“, ესეიგი არც ისე უმნიშვნელოა ასეთი ფორმით გამოხატული მხარდაჭერა, დამეთანხმებით, არა?

ამ ტრაგედიის ფონზე,  დღეს ყველაზე დიდი გამოწვევა დასავლური და მათ შორის ჩვენი საზოგადოების წინაშე გამოიხატება იმაში, რომ არ მოხდეს მუსლიმური საზოგადოების დემონიზება. საქართველოში მუსლიმური თემი მოსახლეობის 10 % შეადგენს (სხვადასხვა წყაროს მიხედვით მათი რაოდენობა 500 ათასიდან 700 ათასამდე მერყეობს), ამიტომაც ყველაზე ცუდი რაც შეიძლება დაგვემართოს არის საქართველოში ყველაზე დიდი რელიგიური უმცირესობის წინააღმდეგ ტალღის აგორებაა. ძალიან დიდ იმედს ვიტოვებ, რომ რამდენიმე გაუწონასწორებელი ადამიანის ფაშისტური კომენტარი მალე ყველას დაგვავიწყდება და ამ საკითხს აღარ დავუბრუნდებით.

დასკვნის მაგივრად კი შემდეგის თქმა მინდა: რაც არ უნდა სასტიკად ჟღერდეს, ჩვენმა მასმედიამ ტრაგედიებს და სიკვდილს კარგად შეგვაჩვია და რთულია 21–ე საუკუნის მაყურებდლის ასე მარტივად შოკირება. ამ შემთხვევაში, ჩადენილი სისასტიკის და სხვერპლის რაოდენობის გარდა, მნიშვნელოვანია ის თუ რა პოლიტიკური გზავნილის მატარებელია ყველა ის ტერაქტი, რაც მოხდა ამ ბოლო დროს დასავლეთში! ის დაუცველობის და შიშის გრძნობა, რომელსაც ეს ტერაქტები თესავენ! ის ფაქტი, რომ რაც არ უნდა განვითარებულ, წარმატებულ დემოკრატიულ ქვეყნაში ცხოვრობდეს ადამიანი, მას ვერ ექნება დაცულობის გრძნობა, თავად სახელმწიფოს შექმნის ერთ–ერთ ძირითად საფუძველს (ინდივიდების უსაფრთოხებაზე პასუხისმდებლობას) უქმნის საფრთხეს. ვფიქრობ, სწორედ ესაა პარიზზე ტერორისტულ თავდასხმებში ყველაზე შემზარავი, რასაც გაცნობიერებულად თუ გაუცნობიერებლად გრძნობს თითოეული ჩვენგანი და ამიტომაა სოლიდარობა ასეთ დროს ყველაზე მნიშვნელოვანი!

მაია ურუშაძე

მკვლევარი/პროექტის კოორდინატორი

“კავკასიური სახლი”