ვიდეოკონფერენცია რუსეთ-საქართველოს ურთიერთობებზე

15 აპრილს, მოსკოვის საერთაშორისო ურთიერთობების სახელმწიფო ინსტიტუტის  (MGIMO)ინიციატივით, ,,კავკასიურ სახლთან ერთად, გაიმართა ვიდეოკონფერენცია რუსულ-ქართულ ურთიერთობებზე.

ვიდეოკონფერციის დროს რუსმა და ქართველმა ანალიტიკოსებმა ისაუბრეს ქართულ-რუსულ ურთიერთობებში არსებულ ტენდენციებზე და შესაძლო განვითარების სცენარებზე.

საქართველოს მხრიდან მოხსენებით წარდგა ქართულ-ამერიკული უნივერსიტეტის მოწვეული ლექტორი გიორგი გობრონიძე. მოხსენება შეეხებოდა ,,საქართველოში საერთაშორისო ტერორიზმის საფრთხეებს“, რომლის დროსაც ყურადღება გამახვილდა ამ კუთხით საქართველოში არსებულ ვითარებაზე. ამასთან, ავტორმა შეაფასა მსოფლიოს სხვადასხვა წერტილში მომხდარი ტერორისტული აქტების მიზეზები და მიზნები, და შეეცადა არგუმენტირებულად დაესაბუთებინა, თუ რატომ ვერ იქნება საქართველო საერთაშორისო ტერორისტების სამიზნე.
ქართული მოხსენებებიდან მომდევნო შეეხებოდა ,,საქართველოში მუსლიმური თემის ინტეგრაციის პროცესში არსებულ გამოწვევებს პანკისის ხეობის მაგალითზე“. აღნიშნულ საკითხზე ისაუბრა ,,კავკასიური სახლის“ თანამშრომელმა მაია ურუშაძემ. მისი მოხსენება ეფუძნებოდა ,,კავკაისური სახლის“ მიერ ჩატარებული კვლევის შედეგებს. მომხსენებელმა ყურადღება გაამახვილა პანკისის ხეობის მოსახლეობაში არსებულ პრობლემებსა და ამ მიმართულებით სახელმწიფო უწყებების საქმიანობაზე. ასევე, საუბრისას ავტორმა ხაზი გაუსვა მედიის უარყოფით როლზე პანკისის ხეობაში არსებული ვითარების გაშუქებისას და საერთაშორისო აქტორების მიერ ხეობისთვის ,,იარლიყების მიწებების“ ნეგატიურ ასპექტებზე.

საქართველოს მხრიდან ბოლო მოხსენება შეეხებოდა ,,რუსეთში მცხოვრები ქართული დიასპორას და მის როლზე ქართულ-რუსულ ურთიერთობებში“. მოხსენებით წარდგა ,,კავკასიური სახლის“ მკვლევარი მარიამ გაჩეჩილაძე, რომელმაც გაანალიზა ქართული დიასპორული ორგანიზაციების საქმიანობა 2004 წლიდან 2012 წლამდე და ისაუბრა ძირითად ტენდენციებსა და კვლევის მიგნებებზე.

რუსეთის მხრიდან დისკუსიაში მონაწილეობდნენ: რუსეთის სახელმწიფო ჰუმანიტარული უნივერსიტეტის დოცენტი ს. მარკედონოვი, მოხსენებით ,,რუსეთ-საქართველოს ურთიერთობების ნორმალიზაციის საზღვრები ,,წითელი ხაზების გათვალისწინებით“,მოსკოვის საერთაშორისო ურთიერთობების სახელმწიფო ინსტიტუტის (MGIMO) კავკასიის და რეგიონალური უსაფრთხოების კვლევითი ცენტრის ანალიტიკოსი ნ. სილაევი, მოხსენებით „საქართველოში 2016 წლის საპარლამენტო არჩევნების შემდგომ პოლიტიკური სისტემის განვითარების პერსპექტივები“. ასევე, მოხსენებები გააკეთეს მოსკოვის საერთაშორისო ურთიერთობების სახელმწიფო ინსტიტუტის  (MGIMO) ასპირანტმა ა. დიოკტევიმ, თემაზე: ,,საქართველოს ეკონომიკა ურთიერთდაპირისპირებული რეგიონალური აქტორების კონტექსტში“ და  მოსკოვის საერთაშორისო ურთიერთობების სახელმწიფო ინსტიტუტის  (MGIMO) ქართული კლუბის წევრმა ზ. შავლიძემმოხსენებით ,,საქართველოსა და რუსეთს შორის თანამშრომლობის შესაძლებლობები დიპლომატიური ურთიერთობების არ არსებობის პირობებში“.

მოხსენებების შემდგომ შეხვედრა წარიმართა კითხვა-პასუხის ფორმატში. მოსკოვის საერთაშორისო ურთიერთობების სახელმწიფო ინსტიტუტის  (MGIMO) სტუდენტებსა და ქართული დიასპორიდან მოწვეულ წარმომადგენლებს საშუალება მიეცათ დაესვათ კითხვები მომხსენებლებისთვის და გამოეთქვათ მოსაზრებები.

ღონისძიება გაიმართა მოსკოვის საერთაშორისო ურთიერთობების სახელმწიფო ინსტიტუტის (MGIMO) სამეცნიერო სტუდენტური საზოგადოების ორგანიზებით, ამავე უნივერსიტეტის გლობალური პრობლემების შესწავლის ცენტრის ანალიტიკოსის ალექსეი ტოკარევის და ქართული კლუბის მხარდაჭერით.

ღია შერჩევა სალექციო კურსში „სამოქალაქო განათლება და კონფლიქტების ანალიზი“ მონაწილეობის მისაღებად

სალექციო კურსი სამოქალაქო განათლებასა და კონფლიქტების ანალიზში

„კავკასიური სახლი“ აცხადებს კონკურსს სალექციო კურსში „სამოქალაქო განათლება და კონფლიქტების ანალიზი“ მონაწილეობის მისაღებად

პროექტის შინაარსი

„კავკასიური  სახლი“ საერთაშორისო არასამთავრობო ორგანიზაცია „International Alert“-თან ერთად ახორციელებს პროექტს „ახალგაზრდული სამოქალაქო დიალოგის ინიციატივა“. პროექტის მიზანია სამხრეთ კავკასიაში მცხოვრებ ახალგაზრდებს საფუძვლიანი ცოდნა მისცეს დემოკრატიის, სამოქალაქო განათლების, ადამიანის უფლებების, კონფლიქტის ანალიზისა და ნაციონალიზმის საკითხებზე. სალექციო კურსი დაყოფილია ორ ნაწილად. ლექცია-სემინარები აკადემიურ და თეორიულ საკითხებზე ჩატარდება კვირაში ორჯერ კავკასიურ სახლში. სალექციო კურსის მეორე ნაწილი გულისხმობს საინფორმაციო ხასიათის შეხვედრებს სამთავრობო სტრუქტურების წარმომადგენლებთან და ექსპერტებთან; ასევე თემატური ფილმების ჩვენებასა და დისკუსიებს. პროექტის შედეგად მონაწილეები შეიძენენ ცოდნას და უნარებს, რაც მნიშვნელოვანი იქნება სამომავლოდ პოლიტიკის ფორმირებისა და სამოქალაქო აქტივიზმისთვის.

სალექციო კურსის გავლის შემდეგ მონაწილეთა ნაწილი გაივლის ტრენინგს კონფლიქტების ანალიზის საკითხებში. ტრენინგის შედეგად შერჩეული საუკეთესო კონკურსანტები მონაწილეობას მიიღებენ სამხრეთ კავკასიურ დიალოგში, რომელიც გაიმართება 2016 წლის შემოდგომაზე.

ლექციების კურსი დაიწყება მარტში. კურსის ხანგრძლივობა შეადგენს ორ თვეს . ლექციები ჩატარდება კვირაში ორჯერ.

შერჩევის კრიტერიუმები

  • ასაკი: 20-35 წელი
  • სამიზნე ჯგუფი: სტუდენტები და ახალგაზრდა ექსპერტები, რომელთაც სურთ შეიძინონ/გაიღრმავონ ცოდნა სამოქალაქო განათლებისა და კონფლიქტის ანალიზის თემებზე
  • სასურველია ინგლისური და რუსული ენების ცოდნა

 

სააპლიკაციო პროცედურა

დაინტერესებულმა პირებმა გამოაგზავნეთ თქვენი CV და სამოტივაციო წერილი, სადაც არგუმენტირებულად იქნება აღნიშნულ პროექტში თქვენი მონაწილეობის მოტივაცია, შემდეგ ელ-ფოსტაზე: applicationsch@gmail.com

განაცხადების მიღების ბოლო ვადა: 14 თებერვალი

დამატებითი ინფორმაციისთვის დაუკავშირდით რევაზ ქოიავას ელ-ფოსტაზე: revaz.koiava@caucasianhouse.ge; ან ნომერზე: + 995 599 57 01 05

 

ჩამოტვირთეთ განცხადების სრული ტექსტი.

ორგანიზაციის შესახებ

კავკასიური სახლი

კავკასიური სახლი არის კულტურულ-საგანმანათლებლო ორგანიზაცია, რომლის მიზანია საქართველოს და კავკასიის მშვიდობიანი განვითარებისთვის იდეოლოგიური და ინტელექტუალური ბაზისის შექმნა. კავკასიური სახლი მუშაობს რეგიონული განვითარებისა და კავკასიის ხალხთა ინტეგრაციის პროექტებზე. ჩვენი ფუნდამენტური მიზანია რეგიონში არსებული კონფლიქტების მშვიდობიანი დარეგულირება და უმცირესობათა ინტეგრაციის ხელშეწყობა სახალხო დიპლომატიისა და კულტურულ-საგანმანათლებლო პროგრამების მეშვეობით.

კავკასიური სახლი ჩართულია სამშვიდობო პროცესებში რეგიონის მასშტაბით. იგი მნიშვნელოვან როლს თამაშობს ნდობის აღდგენის პროცესში ერთი მხრივ ქართველებს, ხოლო მეორე მხრივ აფხაზებს, ოსებს, რუსებს, სომხებს, აზერბაიჯანელებს და ჩრდილოკავკასიელ ხალხებს შორის.

International Alert

International Alert ეხმარება კონფლიქტით დაზარებულ მოსახლეობას კონფლიქტის მშვიდობიანი გადაჭრის გზების პოვნაში. ის არის ერთ-ერთი წამყვანი საერთაშორისო ორგანიზაცია, რომელიც 30 წელია მუშაობს მშვიდობის მშენებლობის მიმართულებით. ორგანიზაცია სამხრეთ კავკასიაში მუშაობს 1993 წლიდან და ხელს უწყობს კონფლიქტით გაყოფილ საზოგადობებს შორის თანამშრომლობასა და პოზიტიურ ცვლილებებს. ორგანიზაცია თანამშრომლობს სხვადასხვა ჯგუფებთან, მათ შორის ბიზნეს სექტორთან, აკადემიურ წრეებთან, ჟურნალისტებთან, მასწავლებლებთან და კულტურის სფეროს მოღვაწეებთან. ორგანიზაციის საქმიანობა მოიცავს ისეთ სფეროებს როგორიცაა მშვიდობა, კარგი მმართველობა, ეკონომიკა, გენდერის საკითხები და განვითარება.

კონკურსი მონაწილეობის მისაღებად ფორუმზე: ახალი გამოწვევები სამხრეთ კავკასიაში და ქართულ-რუსული ურთიერთობები

კავკასიური სახლიგიწვევთ ქართველ და რუს ექსპერტებს შორის დაგეგმილ შეხვედრაში მონაწილეობის მისაღებად. შეხვედრები გაიმართება ,,კავკასიური სახლის“ პროექტის ,,ქართულ-რუსული დიალოგი მშვიდობისა და თანამშრომლობისთვის“ ფარგლებში, 27-28 თებერვალს, დაბა ბაკურიანში.

პროექტის შინაარსი

,,კავკასიური სახლი“ პროექტს „ქართულ-რუსული დიალოგი მშვიდობისა და თანამშრომლობისათვის“ ახორციელებს 2011 წლიდან, დიდი ბრიტანეთის მთავრობის ფინანსური მხარდაჭერით. პროექტის მიზანია, ერთი მხრივ, ქართველ და რუს  მკვლევრებს შორის დიალოგის წახალისება და აქტუალიზაცია; მეორე მხრივ, გადაწყვეტილების მიმღები პირებისათვის რეკომენდაციებისა და პოლიტიკური ალტერნატივების შემუშავება.

აღნიშნული პროექტის ფარგლებში რეგულარულად იმართება ქართველი და რუსი ექსპერტების ვიზიტები საქართველოსა და რუსეთში. პროექტის მონაწილეებს შესაძლებლობა ეძლევათ შეხვდნენ ოფიციალურ პირებს და დამოუკიდებელ ექსპერტებს. ასევე მონაწილეობა მიიღონ ორმხრივ ფორუმებში, სადაც განიხილება რეგიონისა და ორ ქვეყანას შორის არსებული აქტუალური საკითხები.

27-28 თებერვალს ბაკურიანში გაიმართება მორიგი შეხვედრა, სადაც სადისკუსიო თემები იქნება: სამხრეთ კავკასიის რეგიონული უსაფრთხოება – ისლამის რადიკალიზაცია და რუსეთსა და თურქეთს შორის ურთიერთობების გაუარესება; რუსეთ-საქართველოს ეკონომიკური ურთიერთობები და რეგიონის ენერგოუსაფრთხოება.

პროექტთან დაკავშირებულ ყველა ხარჯს (მათ შორის ტრანსპორტის, დაბინავების, კვების)  ფარავს „კავკასიური სახლი“.

მონაწილეების შერჩევის კრიტერიუმები

  • ასაკი: 23-45 წლამდე
  • პროფესიული კვალიფიკაცია: მკვლევარები, ჟურნალისტები, აკადემიური სფეროს, არასამთავრობო ორგანიზაციების და სახელმწიფო უწყებების წარმომადგენლები;
  • სამუშაო ენა:  რუსული
  • შერჩეულ კანდიდატებთან ჩატარდება გასაუბრება რუსულ ენაზე.

ქართველი მონაწილეების შერჩევას ახორციელებს „კავკასიური სახლი“. მონაწილეებს რუსეთიდან შეარჩევს „ა. გორჩაკოვის სახელობის სახალხო დიპლომატიის მხარდაჭერის ფონდი“.

სააპლიკაციო პროცედურა

გთხოვთ, დაინტერესებულმა პირებმა გამოაგზავნეთ თქვენი CV და სამოტივაციო წერილი, სადაც იქნება  დასაბუტებული პროექტში თქვენი მონაწილეობის მოტივაცია, შემდეგ ელექტრონულ მისამართზე: maia.urushadze@caucasianhouse.ge

განაცხადების მიღების ბოლო ვადა: 09.02.2016

დამატებითი ინფორმაციისთვის დაუკავშირდით პროექტის ოფიცერს,  მაია ურუშაძეს, ტელ: (995 577) 77 21 23

პროექტი ხორციელდება დიდი ბრიტანეთის საგარეო საქმეთა სამინისტროს ფინანსური მხარდაჭერით

ჩამოტვირთეთ განცხადების სრული ტექსტი

 

„კავკასიური სახლის სახალხო უნივერსიტეტი“ აცხადებს მიღებას

კულტურულ ურთიერთობათა ცენტრი – კავკასიური სახლი აცხადებს მიღებას „კავკასიური სახლის სახალხო უნივერსიტეტის“ ქართულენოვან ჯგუფში.

მონაწილეთა შერჩევის კრიტერიუმები 

  • ასაკი: 18-35 წელი
  • განათლება: საშუალო, უმაღლესი 
  • ენები:  აუცილებელია ქართული ენის ცოდნა
  • ინტერესი კავკასიური პრობლემატიკისადმი და მიღებული ცოდნის საკუთარი პროფესიულ საქმიანობაში გამოყენების სურვილი

პროექტში მონაწილეობის მისაღებად საჭიროა:

  • შეავსოთ ანკეტა და გადმოგზავნოთ  შემდეგ ელექტრონულ მისამართზე:
  • tujuxu@gmail.com,  beroshvili@hotmail.com
  • CV
  • ფოტო (3×4)

სახალხო უნივერსიტეტში მიღება მოხდება ანკეტისა და გასაუბრების საფუძველზე.

სწავლა უფასოა.

სწავლის ხანგრძლივობა – 1 წელი

ლექციები ჩატარდება  კავკასიურ სახლში. მისამართზე: თბილისი, გალაკტიონ ტაბიძის ქ.20

განცხადებები მიიღება 1 იანვრიდან 25 იანვრის ჩათვლით. 

დამატებითი ინფორმაციისათვის მიმართეთ პროექტის კოორდინატორს თამარ უჯუხუს

ელფოსტა: tujuxu@gmail.com; ან beroshvili@hotmail.com,

მობ: 577202103/04

„კავკასიური სახლის სახალხო უნივერსიტეტი“ აცხადებს მიღებას

კულტურულ ურთიერთობათა ცენტრი – კავკასიური სახლი აცხადებს მიღებას „კავკასიური სახლის სახალხო უნივერსიტეტის“ ქართულენოვან ჯგუფში.

 

კავკასია გეოგრაფიული მდებარეობის, ეთნიკურ–ენობრივი მრავალფეროვნების, პოლიტიკური კონფლიქტებისა და სხვადასხვა, გარეაქტორების გეოპოლიტიკური ინტერესების გამო თანამედროვე  მსოფლიოში ერთ-ერთი ყველაზე რთული რეგიონია.  საქართველო რეგიონის ერთადერთი ქვეყანაა, რომელიც ერთდროულად ესაზღვრება, როგორც სამხრეთ ნაწილის ორივე რესპუბლიკას, ასევე ჩრდილოეთ ნაწილის თითქმის ყველა პოლიტიკურ სუბიექტს. ისტორიის სხვადასხვა მონაკვეთში, საქართველო, მეტნაკლები წარმატებით ახერხებდა, რეგიონის მასშტაბით უნიკალური მდებარეობის გამოყენებას.

”კულტურულ ურთიერთობათა ცენტრი – კავკასიური სახლი”  დიდი ხანია მუშაობს კავკასიელი ხალხების ინტეგრაციისა და კავკასიის რეგიონული  განვითარების ხელშემწყობ პროექტებზე. მიგვაჩნია, რომ საქართველოს კავკასიური პოლიტიკა, უპირველეს ყოვლისა უნდა გულისხმობდეს ჰუმანიტარულ, კულტურულ-საგანმანათლებლო ასპექტებს.

სწორედ არსებული პოლიტიკისა და ორგანიზაციის გამოცდილებიდან გამომდინარე, ”კავკასიური სახლი”, 2008 წლიდან ”ევროპული ფონდი ”Horizon” – ის მხარდაჭერით ახორციელებს პროექტს  ”კავკასიოლოგიური სახალხო უნივერსიტეტი”.

პროექტის მიზანია:

მისცეს საფუძვლიანი ცოდნა როგორც  ქართველ, ისე საქართველოში მცხოვრებ სხვადასხვა ეროვნების ახალგაზრდებს კავკასიაში მიმდინარე სოციალურ და პოლიტიკურ მოვლენათა შესახებ; ასევე კავკასიელი ხალხების  ისტორიის, კულტურული მემკვიდრეობისა და ფასეულობების შესახებ.

პროექტის ფარგლებში ლექცია – სემინარები ჩატარდება თვეში სამჯერ.

გარდა წინასწარ დაგეგმილი ლექციებისა, პროექტის ფარგლებში ჩატარდება ე. წ. „საუბრები აქტუალურზე“, სადაც მსმენელები თვითონ იქნებიან მომხსენებლები და მოდერატორები.

 

დაინტერესების შემთხვევაში მათ აგრეთვე მიეცემათ საშუალება კავკასიური სახლის ვიდეოსტუდიის ტექნიკის გამოყენებით  გადაიღონ დუკუმენტური ფილმები კავკასიურ თემატიკაზე.

პროექტის მსმენელებს სურვილის შემთხვევაში მათ საშუალება ექნებათ დაესწრონ კავკასიურ სახლში გამართულ სხვა კულტურულ ღონისძიებებს – მუსიკალურ და ლიტერატურულ საღამოებს, გამოფენებს, პერფომანსებს და ა. შ.

სასწავლო წლის ბოლოს პროექტის მსმენელთა მონაწილეობით გაიმართება სამეცნიერო კონფერენცია, სადაც ახალგაზრდები წაიკითხავენ მოხსენებებს მათთვის საურველ თემებზე.

 

მონაწილეთა შერჩევის კრიტერიუმები 

  • ასაკი: 18-35 წელი
  • განათლება: საშუალო, უმაღლესი 
  • ენები:  აუცილებელია ქართული ენის ცოდნა
  • ინტერესი კავკასიური პრობლემატიკისადმი და მიღებული ცოდნის საკუთარი პროფესიულ საქმიანობაში გამოყენების სურვილი

პროექტში მონაწილეობის მისაღებად საჭიროა:

 

  • შეავსოთ ანკეტა და გადმოგზავნოთ  შემდეგ ელექტრონულ მისამართზე:
  • tujuxu@gmail.com,  beroshvili@hotmail.com
  • CV
  • ფოტო (3×4)

სახალხო უნივერსიტეტში მიღება მოხდება ანკეტისა და გასაუბრების საფუძველზე.

სწავლა უფასოა.

სწავლის ხანგრძლივობა – 1 წელი

ლექციები ჩატარდება  კავკასიურ სახლში. მისამართზე: თბილისი, გალაკტიონ ტაბიძის ქ.20

განცხადებები მიიღება 1 იანვრიდან 25 იანვრის ჩათვლით. 

დამატებითი ინფორმაციისათვის მიმართეთ პროექტის კოორდინატორს თამარ უჯუხუს

ელფოსტა: tujuxu@gmail.com; ან beroshvili@hotmail.com,

მობ: 577202103/04

ღია შერჩევა სამხრეთ კავკასიურ დიალოგში მონაწილეობის მისაღებად

“ჰელსინკის სამოქალაქო ასამბლეის სომხური კომიტეტი,”  “კულტურულ ურთიერთობათა ცენტრ – კავკასიური სახლთან“ და  „ნაციონალიზმისა და კონფლიქტების კვლევის ინსტიტუტთან“ თანამშრომლობით გიწვევთ სამხრეთ კავკასიის კონფლიქტებთან დაკავშირებით დაგეგმილ შეხვედრებში მონაწილეობის მისაღებად, პროექტის  ,,დიალოგის პროცესის გაძლიერება ახალგაზრდა პროფესიონალების ჩართულობით“ ფარგლებში. შეხვედრას დაესწრებიან აფხაზი, ოსი, სომეხი, აზერბაიჯანელი და ბელორუსი მონაწილეები.

პროექტის შინაარსი

2015 წლის ივნისში “ჰელსინკის სამოქალაქო ასამბლეის სომხურმა კომიტეტმა,” “კავკასიურ სახლთან“ და „ნაციონალიზმისა და კონფლიქტების კვლევის ინსტიტუტთან” თანამშრომლობით, ბრიტანეთის საელჩოს ფინანსური მხარდაჭერით დაიწყო პროექტის ,,დიალოგის პროცესის გაძლიერება ახალგაზრდა პროფესიონალების ჩართულობით“ განხორციელება. პროექტი ითვალისწინებს სამხრეთ კავკასიაში კონფლიქტთან დაკავშირებულ საკითხებზე  დიალოგისა და კომუნიკაციის პროცესის ხელშეწყობას. შეხვედრების მიზანია სხვადასხვა დარგის   სპეციალისტებისა და ახალი თაობის ექსპერტების  ჩართულობის გზით, ნდობის აღდგენისა და კონფლიქტის ტრანსფორმაციის გზებზე მუშაობა. ასევე აღნიშნულ კონფლიქტებთან მიმართებაში ანალიზისა და რაციონალური საჯარო დისკურსის სტიმულირება.

აღნიშნული შეხვედრები არის უნიკალური შესაძლებლობა  საქართველოს ახალი თაობის პროფესიონალებისთვის/ექსპერტებისათვის ჩაერთონ ამ პროცესებში და  ახალი იდეები განავითარონ რეგიონული და მათ შორის ქართულ-აფხაზური და ქართულ – ოსური კონფლიქტების ტრანსფორმაციის კუთხით. პირველი ასეთი ფორმატის შეხვედრა პროექტის ფარგლებში უკვე გაიმართა სომხეთში, ქალაქ ერევანში, 2015 წლის 25-28 სექტემბერს, სადაც ფოკუსი გაკეთდა რეგიონული უსაფრთხოებისა და სტაბილურობის ასპექტებზე.

  • მეორე შეხვედრა გაიმართება 2016 წლის  8-11 იანვარს, ქალაქ მინსკში, ბელარუსი. საერთო ჯამში შეირჩევა 5 მონაწილე, რომლებიც მოხსენებას გააკეთებენ აღნიშნულ კონფლიქტებთან დაკავშირებულ საკითხებზე.

ყველა ხარჯი (მათ შორის ტრანსპორტის, დაბინავების, კვების) დაფარული იქნება ორგანიზატორების მიერ.

მონაწილეების შერჩევის კრიტერიუმები

  • ასაკი: 45 წლამდე
  • სამიზნე ჯგუფი: სოციალური მეცნიერებების, საერთაშორისო ურთიერთობების, ჟურნალისტიკის და სხვა მონათესავე სფეროებში მომუშავე ადამიანები, ასევე საჯარო  და არასამთავრობო სექტორის წარმომადგენლები.
  • სამუშაო ენა:  რუსული
  • შერჩეულ კანდიდატებთან ჩატარდება გასაუბრება რუსულ ენაზე.

სააპლიკაციო პროცედურა

გთხოვთ, დაინტერესებულმა პირებმა გამოაგზავნეთ თქვენი CV და  წერილი, სადაც არგუმენტირებული იქნება  აღნიშნულ პროექტში თქვენი მონაწილეობის მოტივაცია და თქვენი წვლილი დიალოგის პროცესის გაძლიერებაში შემდეგ ელ-ფოსტაზე: submit.dialogue@gmail.com

განაცხადების მიღების ბოლო ვადა: 23.12.2015

დამატებითი ინფორმაციისთვის დაუკავშირდით პროექტის ასისტენტს,  ანა ბრაგვაძეს.

ელ-ფოსტა: ana.bragvadze@caucasianhouse.ge

ტელ: (995 577) 65 98 45;

პროექტი ხორციელდება დიდი ბრიტანეთის საგარეო საქმეთა სამინისტროს ფინანსური მხარდაჭერით

ესეების კონკურსი „კონფლიქტები საქართველოში“

“ჰელსინკის სამოქალაქო ასამბლეის სომხური კომიტეტი”  “კულტურულ ურთიერთობათა ცენტრ – კავკასიური სახლთან“ და  „ნაციონალიზმისა და კონფლიქტების კვლევის ინსტიტუტთან“ თანამშრომლობით აცხადებს  ანალიტიკური ესეების კონკურსს თემაზე „კონფლიქტები საქართველოში“. ესეების კონკურსი ცხადდება პროექტის  ,,დიალოგის პროცესის გაძლიერება ახალგაზრდა პროფესიონალების ჩართულობით“ ფარგლებში.

პროექტის შესახებ

2015 წლის ივნისში “ჰელსინკის სამოქალაქო ასამბლეის სომხურმა კომიტეტმა” “კავკასიურ სახლთან“ და „ნაციონალიზმისა და კონფლიქტების კვლევის ინსტიტუტთან” თანამშრომლობით, ბრიტანეთის საელჩოს მხარდაჭერით დაიწყო პროექტის ,,დიალოგის პროცესის გაძლიერება ახალგაზრდა პროფესიონალების ჩართულობით“ განხორციელება. პროექტი ითვალისწინებს ქართულ, აფხაზურ და სამხრეთ ოსურ საზოგადოებებს  შორის კონფლიქტთან დაკავშირებულ საკითხებზე  დიალოგისა და კომუნიკაციის პროცესის ხელშეწყობას. პროექტის უმთავრესი მიზანია სხვადასხვა დარგის   სპეციალისტებისა და ახალი თაობის ექსპერტების  ჩართულობის გზით ნდობის აღდგენისა და კონფლიქტის ტრანსფორმაციის გზებზე მუშაობა და აღნიშნულ კონფლიქტებთან მიმართებაში ანალიზისა და რაციონალური საჯარო დისკურსის გააქტიურება.

ესეების კონკურსის მიზანია ახალგაზრდა პროფესიონალებში ქართულ-აფხაზური და ქართულ-სამხრეთ ოსური კონფლიქტების გარშემო კვლევებისა და ანალიზის სტიმულირება. ფორმატი იძლევა შესაძლებლობას, რომ პროფესიონალთა და ექსპერტთა ახალმა თაობამ  განავითაროს ახალი იდეები ქართულ-აფხაზური და ქართულ – ოსური კონფლიქტების დარეგულირების კუთხით.

საკონკურსო თემები:

  • საქართველოს გზა ევროპული ინტეგრაციისაკენ: კონფლიქტების მოგვარების ახალი შესაძლებლობები vs გამოწვევები (მაგ.: სავიზო რეჟიმის ლიბერალიზაცია, ევროკავშირის ერთიან ეკონომიკურ სივრცეში ინტეგრაცია, და ა.შ[1]);
  • საზოგადოებრივ-პოლიტიკური პროცესები აფხაზეთსა და სამხრეთ ოსეთში და მათი გავლენა კონფლიქტების დარეგულირების დინამიკაზე;
  • ინოვაციური მიდგომები ნდობის აღდგენის პროცესებში: საერთაშორისო გამოცდილება და ქართული რეალობა (მაგ.: თავისუფალი გადაადგილება, ეკოლოგიური თანამშრომლობა / გარემოს დაცვა, კულტურული მემკვიდრეობა და ა.შ)

საკონკურსო პირობები:

  • ანალიტიკური ესეების კონკურსში მონაწილეობის მიღების შესაძლებლობა აქვთ თემით დაინტერესებულ სხვადასხვა სფეროში მომუშავე ახალგაზრდა (40 წლამდე) პროფესიონალებს.
  • ანალიტიკური ესე შესრულებული უნდა იყოს ქართულ ენაზე. ნაშრომის მოცულობა წყაროების ჩათვლით არ უნდა აღემატებოდეს 1500 სიტყვას. ნაშრომის ბოლოს მითითებული უნდა იყოს ავტორის სახელი, გვარი, თანამდებობა/პოზიცია და საკონტაქტო ინფორმაცია.
  • სტატია უნდა იყოს დაწერილი ექსკლუზიურად კონკურსის ფარგლებში
  • პლაგიატის შემთხვევაში ნაშრომი არ განიხილება
  • კონსორციუმი (“ჰელსინკის სამოქალაქო ასამბლეის სომხური კომიტეტი” “კულტურულ ურთიერთობათა ცენტრ – კავკასიური სახლთან“ და  „ნაციონალიზმისა და კონფლიქტების კვლევის ინსტიტუტთან“ თანამშრომლობით) შეაფასებს და  გამოავლენს 3 საუკეთესო ესეს
  • გამარჯვებული ესეების ავტორებისთვის გათვალისწინებულია ფულადი პრიზი 80 ბრიტანული ფუნტი სტერლიგის ექვივალენტი ლარში. ასევე, კონკურსში გამარჯვებული ესეები გამოქვეყნდება “კავკასიური სახლის” და „ნაციონალიზმისა და კონფლიქტების კვლევის ინსტიტუტის“ ანალიტიკურ ვებ-გვერდზე ( regional-dialogue.com; www.isnc.ge ).

 

ესეების მიღების ბოლო ვადაა 2015 წლის 18 დეკემბერი

ნაშრომების შეფასების კრიტერიუმები:

  • თეზისის ჩამოყალიბება;
  • შინაარსობრივი და ენობრივი გამართულობა;
  • ფაქტობრივი საიმედოობა;
  • არგუმენტირება;
  • ავტორის ანალიზი

გთხოვთ, თქვენი ნაშრომები გადმოაგზავნოთ შემდეგ ელექტრონულ მისამართზე: submit.dialogue@gmail.com

შეკითხვებისა და დამატებითი ინფორმაციისთვის მოგვწერეთ:

elikobendeliani@gmail.com ; beridzeru@gmail.com

ან დაგვირეკეთ: +995 555 525 959

 

 

ესეების კონკურსი ტარდებაჰელსინკის სამოქალაქო ასამბლეის სომხური კომიტეტი”  “კულტურულ ურთიერთობათა ცენტრკავკასიური სახლისდა  „ნაციონალიზმისა და კონფლიქტების კვლევის ინსტიტუტისსაერთო პროექტის  ,,დიალოგის პროცესის გაძლიერება ახალგაზრდა პროფესიონალების ჩართულობითფარგლებში, რომელიც ხორციელდება დიდი ბრიტანეთის მთავრობის ფინანსური მხარდაჭერით.

 

 

[1] ამ და შემდეგ პუნქტებში  მოყვანილი მაგალითები სავალდებულო არ არის და მხოლოდ ნიმუშის ფუნქციის მატარებელია.

კონკურსი მცირებიუჯეტიანი პროექტების წასახალისებლად – მესამე რაუნდი

,,კავკასიური სახლის” პროექტი ,,კულტურის კალენდარი” 2004 წლიდან მიმდინარეობს და მის ფარგლებში ყოველწლიურად 30-მდე კულტურული ღონისძიება იმართება „კავკასიური სახლის“ საგამოფენო დარბაზსა თუ ეზოში.

2015 წლიდან ”კავკასიური სახლის” პროგრამის მენეჯმენტის გადაწყვეტილებით, პროექტს ღია კონკურსის სახე მიეცა. კონკურსში მონაწილეობა შეუძლიათ მიიღონ საქართველოში დარეგისტრირებულმა საზოგადოებრივმა ორგანიზაციებმა.

კონკურსის – „კულტურის კალენდარი“ – ფარგლებში დაფინანსდება კულტურის მცირებიუჯეტიანი  (500 ლარის ოდენობით) ინიციატივები, ერთჯერადი ღონისძიებები: გამოფენა, პერფორმანსები, კონცერტი, ლიტერატურული თუ მუსიკალური საღამო და სხვა.

 

კონკურსის ვადები

,,კავკასიური სახლის” კულტურული პროგრამის ღია კონკურსის მესამე ეტაპი მოიცავს პერიოდს 2015 წლის 25 სექტემბრიდან 2015 წლის 25 დეკემბრამდე. შესაბამისად, მცირე კულტურული პროექტებისა და ინიციატივების მოქმედების პერიოდი არ უნდა სცილდებოდეს მოცემულ თარიღებს. კონკურსში ამ ეტაპზე დაფინანსდება  8 პროექტი.

 

დამატებითი ინფორმაცია

ღია კონკურსის ფარგლებში დაფინანსებული ღონისძიებების ჩასატარებლად, ორგანიზაციებს შეუძლიათ ისარგებლონ ,,კავკასიური სახლის” ინფრასტრუქტურით (ეზო, დარბაზი და სხვ.). იმ შემთხვევაში, თუ დაფინანსებული პროექტის ჩატარება იგეგმება „კავკასიურ სახლში“, გრაფიკი უნდა შეთანხმდეს ღონისძიებების მენეჯერთან.

კონკურსის ფარგლებში არ დაფინანსდება პოლიტიკური პარტიები, პოლიტიკური შინაარსის ღონისძიებები და შესაბამისი ორგანიზაციები.

კონკურსში მონაწილეობის მისაღებად საჭიროა თანდართული განაცხადის შევსება (იხილეთ დანართი).

დამატებითი საბუთები

• კონკურსში მიიღება მხოლოდ საზოგადოებრივი ორგანიზაციების

განაცხადები.

• საპროექტო განაცხადს თან დაურთეთ ამონაწერი საჯარო რეესტრიდან

 

 

განაცხადის შემოტანის ბოლო ვადაა 15 ოქტომბერი

 

კონკურსის შედეგები ცნობილი გახდება 20 ოქტომბერს

პროექტის განაცხადი გთოხვთ გადმოაგზავნოთ შემდეგ მისამართზე:

Culture.Calendar.CH@gmail.com

შემოქმედებით კონკურსს „დედოფლისწყარო: ჩემი სამშობლო-ჩემი კუთხე“

ა(ა)იპ დედოფლისწყაროს სათემო ორგანიზაცია „ხორნაბუჯი“ ა(ა)იპ „კულტურულ ურთიერთობათა ცენტრი კავკასიური სახლის“ დაფინანსებით დედოფლისწყაროს მხარეთმცოდნეობის მუზეუმთან ერთად აცხადებს შემოქმედებით კონკურსს „დედოფლისწყარო: ჩემი სამშობლო-ჩემი კუთხე“ მუნიციპალიტეტის ზოგადსაგანმანათლებლო სკოლების ეროვნული უმცირესობების წარმომადგენელი მოსწავლეებისათვის. (მოსწავლეთა ასაკი შეუზღუდავია).
კონკურსზე წარმოდგენილი ნამუშევრები უნდა ასახავდეს დედოფლისწყაროს მუნიციპალიტეტის მრავალეროვანი მოსახლეობის სხვადასხვა ეროვნების ხალხთა თვითმყოფადობას, მათ ისტორიას, ცხოვრებას, ეროვნულ თავისებურებებს და ტრადიციებს, ურთიერთობას სხვა ეროვნების წარმომადგენლებთან.
კონკურსზე შესაძლებელია წარმოდგენილი იყოს ნებისმიერი სახის და ჟანრის (მათ შორის, ლიტერატურული ან მუსიკალური ნაწარმოები, ნახატი, ხელნაკეთი ნივთი, აპლიკაცია, ნაქარგი, ნაქსოვი და სხვა.) ნამუშევარი. მოსწავლეებს ასევე შეუძლიათ მოიძიონ ამბები, ფაქტები, ფოლკლორული და ეთნოგრაფიული მასალა, ნაციონალური ტანსაცმლის და საოჯახო ნივთების ნიმუშები, საინტერესო თქმულებები, ლეგენდები, ზღაპრები თავიანთი ხალხის ისტორიიდან, გააკეთონ საინტერესო მთხრობელების (ასაკოვანი ადამიანების) ვიდეო ან აუდიოჩანაწერები, საინტერესო ადამიანების ცხოვრების და წარმატების ამსახველი მასალები, ტრადიციული საკვების რეცეპტები და საკვების მომზადების პროცესის ამსახველი ფოტოები. გააკეთონ შესაბამისი დოკუმენტური ჩანაწერები (მათ შორის, ვიდეო და აუდიო), შეაგროვონ და წარმოადგინონ ძველი და ახალი საოჯახო და სხვა ფოტოსურათები თანდართული ისტორიებით.

წარმოდგენილი მასალა გამოიფინება დედოფლისწყაროს მხარეთმცოდნეობის მუზეუმში და განთავსდება ვებ-გვერდზე: ngokhornabuji.wordpress.com
youtube.com

 

გამოფენის დასრულების შემდეგ მასალები პატრონებს დაუბრუნდება.

ნამუშევრები შეიძლება წარმოდგენილი იყოს ქართულად ან სხვა ენაზე სათანადო ქართული განმარტებებით.

შემაჯამებელი ღონისძიება გაიმართება 17 სექტემბერს, 15:00 საათზე.

მისამართი: ქ. დედოფლისწყარო, 9 ძმის ქ. N10, დედოფლისწყაროს მხარეთმცოდნეობის მუზეუმი.

საკონტაქტო პირები:

599572 842 – მანანა ყატაშვილი

595 090 774 – ლალი გურასპაული

577 202 104  -მიხო ბეროშვილი, კავკასიური სახლი