„ინტერნეტდღიური“, „კავკასიური სახლის“ ერთ-ერთი ცენტრალური  და გრძელვადიანი პროექტი, 2012 წლიდან ხორციელდება. პროექტის მიზანს წარმოადგენს „კავკასიურ სახლში“ მიმდინარე მრავალფეროვანი ცხოვრების ასახვა და სხვადასხვა საინფორმაციო პლატფორმისა თუ სოციალური ქსელის საშუალებით მისი ფართო აუდიტორიისთვის წარდგენა. „ინტერნეტდღიური“ ხდის შესაძლებელს „კავკასიური სახლის“ კულტურულ-საგანმანათლებლო, სამშვიდობო, გარემოსდაცვითი და საგამომცემლო საქმიანობის შესახებ ინფორმაციის გავრცელებასა და აუდიტორიასთან კომუნიკაციას.

„კავკასიური სახლის“ „ინტერნეტდღიურის“ ფარგლებში მზადდება და ვრცელდება გადაცემები ქართულ, რუსულ, სხვადასხვა კავკასიურ და ევროპულ ენებზე; დოკუმენტური ფილმები ეთნიკურ და რელიგიურ უმცირესობებზე, გარემოსდაცვით და სხვა საკითხებზე.