თანამშრომლები
თეა გალდავა
პროექტის კოორდინატორი
თეა გალდავა
პროექტის კოორდინატორი
თეა გალდავა „კულტურულ ურთიერთობათა ცენტრ – კავკასიური სახლის“ გამგეობის წევრი, კავკასიის მკვლევარი საქართველოს ეთნიკურ უმცირესობათა კულტურის განხრით. „კავკასიურ სახლში“ 2001 წლიდან მუშაობს. არის არაერთი საერთაშორისო კულტურულ-საგანმანათლებლო პროექტის მონაწილე და ხელმძღვანელი, მათ შორის ევროკაშირის კულტურის პორგრამის ფარგლებში დაფინანსებული კავკასიის კულტურის ქსელის CAUCULT (2012-2015) დირექტორი საქართველოში. თეა ივ. ჯავახიშვილის სახელობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის კულტურის კვლევების დოქტორანტია.
მიხეილ ბეროშვილი
პროექტის კოორდინატორი
მიხეილ ბეროშვილი
პროექტის კოორდინატორი
მიხეილ ბეროშვილი — „კულტურულ ურთიერთობათა ცენტრ — კავკასიური სახლის“ გამგეობის წევრი და ერთ-ერთი დამფუძნებელი, 2008 წლიდან დღემდე პროექტ „კავკასიური სახლის სახალხო უნივერსიტეტის“ კონსულტანტი. 2020-2023 წწ. სტუდენტური ალმანახის „ვირუსული დღიურები“/„ჩვენი სამყარო“ მთავარი რედაქტორი. მიხეილ ბეროშვილი 1985-1990 წწ. იყო მხატვრული თარგმანის სარედაქციო კოლეგიის განყოფილების ხელმძღვანელი, 1987-1990 წწ. საქართველოს მწვანეთა მოძრაობის წევრი, ეკოლოგიური კონფერენციების მონაწილე, კავკასიური სამშვიდობო მოლაპარაკებების ორგანიზატორი და მონაწილე. „კავკასიურ სახლში“ სხვადასხვა დროს სხვადასხვა კულტურულ-საგანმანათლებლო პროექტის კოორდინატორი, ვიდეოსტუდიის ხელმძღვანელი (2008-2010). 1975-76 წწ. სწავლოდა იენის უნივერსიტეტში, სადაც დაიცვა დიპლომი თემაზე: „ფრანც ფიუმანის ლირიკა“. მისი ინტერესის სფეროებია: გერმანული ლიტერატურა, ქართულ-კავკასიური ურთიერთობები, კავკასიის ისტორია, ეკოლოგია. თარგმნილი აქვს სხვადასხვა ავტორის ლექსები, მოთხრობები, წერილები გერმანული, აფხაზური, რუსული და ბულგარული ენებიდან. ავტორია კავკასიის სხვადასხვა ხალხის ისტორიასა და თანამედროვეობაზე გადაღებული დოკუმენტური ფილმებისა.
თამარ უჯუხუ
პროექტის კოორდინატორი
თამარ უჯუხუ
პროექტის კოორდინატორი
თამარ უჯუხუ — „კავკასიური სახლის სახალხო უნივერსიტეტის“ კოორდინატორი, თბილისის სახელმწიფო უნივერსიტეტის კავკასიოლოგიის ინსტიტუტის თანამშრომელი.
იყო მხატვრული თარგმანისა და ლიტერატურული ურთიერთობების მთავარი სარედაქციო კოლეგიის ჩრდილოეთ კავკასიის ლიტერატურის სექტორის გამგე, 1989-1991 წწ. კავკასიური ეკოლოგიური მოძრაობის წევრი. 1993 წლიდან საქართველოს კულტურულ ურთიერთობათა ცენტრ „კავკასიური სახლის“ კავკასიური განყოფილების გამგე. 1999 წლიდან თსუ-ის კავკასიოლოგიური ინსტიტუტის მოწვეული მასწავლებელი, ადიღეური ენის პედაგოგი. 2003-2020 წწ. „კავკასიურ სახლთან“ არსებულ შაბათ-კვირის სკოლაში უძღვებოდა კურსს „საუბრები კავკასიაზე“. ადიღეური (ჩერქეზული ენის) სახელმძღვანელოს (2012 წ.) ავტორი (წიგნი 2021 წელს რუსულ ენაზეც გამოიცა); 1996-2010 წწ. „კავკასიურ სახლში“ გამოცემული სერიის „კავკასიის ხალხთა ფოლკლორის“ სარედაქციო საბჭოს ხელმძღვანელი და საგამომცემლო ჯგუფის კოორდინატორი.
თამარ უჯუხუ „კავკასიურ სახლში“ წლების განმავლობაში სხვადასხვა პროექტს უწევდა კოორდინირებას. თანაავტორია დოკუმენტური ფილმებისა: „პანკისელი ქალები“, „იბეის დარიკო“, „ომის ბავშვები“, „ლოცვა მშვიდობისათვის კავკასიაში“, „ჩვენ დაღესტნელები“. მრავალი წლის განმავლობაში აქვს ურთიერთობები არასამთავრობო ორგანიზაციებთან მთელ კავკასიაში. არის არაერთი სემინარის, „მრგვალი მაგიდისა“ თუ კონფერენციის (თბილისი, ნალჩიკი, დონის როსტოვი, ბაქო…) მონაწილე.
ნატო გელაშვილი
ოფის-მენეჯერი
ნატო გელაშვილი
ოფის-მენეჯერი
ნატო გელაშვილი – „კავკასიური სახლის“ ოფის-მენეჯერი. „კავკასიური სახლის“ წევრი 2001 წლიდან, 2005 წლიდან ორგანიზაციის რეგიონული პროგრამების ფინანსური და ადმინისტრაციული მენეჯერი, ჩართულია საგამომცემლო საქმიანობაში.
ლეილა სიხარულიძე
გამომცემლობის რედაქტორი
ლეილა სიხარულიძე
გამომცემლობის რედაქტორი
ლეილა სიხარულიძე – „კავკასიური სახლის“ გამომცემლობის რედაქტორი.
დაამთავრა ქ. თბილისის მე-19 ქალთა საშ. სკოლა და ივ. ჯავახიშვილის სახ. თბილისის სახელმწიფო უნივერსიტეტის ფილოლოგიის ფაკულტეტი.
მუშაობდა საქართველოს თეატრალური საზოგადოების გამომცემლობა „ხელოვნებაში“; გამომცემლობების „საბჭოთა მწერლის“, „ზარია ვოსტოკასა“ და „ხელონების“ გაერთიანების გამომცემლობა „ლიტერატურა და ხელოვნებაში“; ქართულ საბჭოთა ენციკლოპედიაში ჯერ ეკონომიკისა და სამართლის, ხოლო შემდეგ ბიოლოგიის სამეცნიერო რედაქციაში უფროს რედაქტორად, სამეცნიერო რედაქტორად; საქართველოს მეცნიერებათა აკადემიის გამომცემლობა „მეცნიერებაში“ უფროს რედაქტორად;
პატრიარქის კურთხევით მუშაობდა სამთავროს დედათა მონასტერში შემდეგ წიგნებზე: „სამთავრო“, „ბერის დიადემა“, ლექსების კრებული „ივერთა მზეო, ქართველთ მხარეო“, „გზაი გზათაი“. გამოსაცემად მზადდება „შიომღვიმე“.
ლეილა სიხარულიძე აგრეთვე მუშაობდა სრულიად საქართველოს საპატრიარქოს არქივის მიერ გამოცემულ პატრიარქის 5-ტომეულზე (გამოსაცემად მზადდება მე-6 ტომი).
შეადგინა საქართველოს მეცნიერებათა აკადემიის ჟურნალ „მაცნეს“ 25 წლის (1971-1995 წწ.) ბიბლიოგრაფია.
დაჯილდოებულია ივ. ჯავახიშვილის მედლით.
ნიკოლოზ გელაშვილი
გამომცემლობის თანამშრომელი
ნიკოლოზ გელაშვილი
გამომცემლობის თანამშრომელი
ნიკოლოზ გელაშვილი „კულტურულ ურთიერთობათა ცენტრ — კავკასიური სახლის“ გამომცემლობის თანამშრომელია 2003 წლიდან. უმაღლესი განათლება მიღებული აქვს საქართველოს ტექნიკურ უნივერსიტეტში კავშირგაბმულობის ფაკულტეტზე.
ანა აბუაშვილი
ფინანსური მენეჯერი
ანა აბუაშვილი
ფინანსური მენეჯერი
ანა აბუაშვილი 2011 წლიდან შემოუერთდა კავკასიური სახლის გუნდს. 2013 წლიდან მუშაობს ფინანსური მენეჯერის პოზიციაზე. აქვს არასამთავრობო და კომერციულ სექტორში, ასევე აუდიტორულ კომპანიაში მუშაობის მრავალწლიანი გამოცდილება. სხვადასხვა დროს მუშაობდა ფინანსური მენეჯერის, ფინანსური ოფიცრისა და ბუღალტრის პოზიციებზე.
2008 წელს დაამთავრა საქართველოს ტექნიკური უნივერსიტეტი, ინფორმატიკისა და მართვის სისტემების ფაკულტეტი. აქვს ბაკალავრის ხარისხი. 2010-2016 წლებში კი სწავლობდა საქართველოს პროფესიონალ ბუღალტერთა და აუდიტორთა ფედერაციაში, პროგრამა — ACCA (F1-P2).
გია ალავიძე
ოპერატორი
გია ალავიძე
ოპერატორი
გია ალავიძე – „კავკასიური სახლის“ პროექტ „ინტერნეტდღიურის“ ოპერატორი და მემონტაჟე 2012 წლიდან. 2012-2020 წლებში მუშაობდა შაბათ-კვირის სკოლაში მასწავლებლად (საგანი — კინოს გაკვეთილი).
2000 წლიდან მუშაობდა სტუდია „რე"-ში ოპერატორად – მონაწილეობას იღებდა სატელევიზიო გადაცემების მომზადებაში და რეჟისორად – მონაწილეობდა დოკუმენტური ფილმებისა და სოციალური სარეკლამო რგოლების მომზადებაში.