”კავკასიური სახლის” მისიაა შექმნას იდეური და ინტელექტუალური საფუძველი საქართველოს, როგორც მულტიეთნიკური ქვეყნის,და კავკასიის მშვიდობიანი განვითარებისა და კულტურული ინტეგრაციისათვის; გაავრცელოს ზოგადჰუმანიტარული და სამოქალაქო განათლება; წაახალისოს კულტურათა შორის დიალოგი და ამ გზით დააკავშიროს სხვადასხვა ეთნიკური თუ რელიგიური უმცირესობები.

სალექციო კურსი სამოქალაქო განათლებასა და მშვიდობის მშენებლობაში აცხადებს მიღებას

„კავკასიურმა სახლმა“ დაიწყო განაცხადების მიღება სალექციო კურსში „სამოქალაქო განათლება და მშვიდობის მშენებლობა“ მონაწილეობის მისაღებად

პროექტის შინაარსი
„კავკასიური სახლი“ საერთაშორისო არასამთავრობო ორგანიზაცია “International Alert“-თან ერთად ახორციელებს პროექტს „ახალგაზრდული სამოქალაქო დიალოგის ინიციატივა“.

პროექტის მიზანია სამხრეთ კავკასიაში მცხოვრებ ახალგაზრდებს საფუძვლიანი ცოდნა მისცეს დემოკრატიის, სამოქალაქო განათლების, ადამიანის უფლებების, კონფლიქტის ანალიზისა და ნაციონალიზმის საკითხებზე. სალექციო კურსი დაყოფილია ორ ნაწილად. ლექცია-სემინარები აკადემიურ და თეორიულ საკითხებზე ჩატარდება კვირაში ორჯერ ,,კავკასიურ სახლში.” სალექციო კურსის მეორე ნაწილი გულისხმობს საინფორმაციო ხასიათის შეხვედრებს სამთავრობო სტრუქტურების წარმომადგენლებთან და ექსპერტებთან; ასევე თემატური ფილმების ჩვენებასა და დისკუსიებს. პროექტის შედეგად მონაწილეები შეიძენენ ცოდნას და უნარებს, რაც მნიშვნელოვანი იქნება სამომავლოდ პოლიტიკის ფორმირებისა და სამოქალაქო აქტივიზმისთვის.

სალექციო კურსის გავლის შემდეგ მონაწილეთა ნაწილი გაივლის ტრენინგს კონფლიქტების ანალიზში. ტრენინგის შედეგად შერჩეული საუკეთესო კონკურსანტები მონაწილეობას მიიღებენ სამხრეთ კავკასიურ დიალოგში, რომელიც გაიმართება 2018 წელს, ევროპის რომელიმე ქვეყანაში.

სალექციო კურსი დაიწყება 14 ნოემბერს და გაგრძელდება ორი თვე.

ვიდეო რგოლი გასული წლის სალექციო კურსის შესახებ :

შერჩევის კრიტერიუმები

 ასაკი: 20-30 წელი;
 სამიზნე ჯგუფი: სტუდენტები, მკვლევრები, რომელთაც სურთ შეიძინონ/გაიღრმავონ ცოდნა სამოქალაქო განათლებისა და კონფლიქტის ანალიზის მიმართულებით;
 სასურველია ინგლისური და რუსული ენების ცოდნა;

დაინტერესებულმა პირებმა გამოაგზავნეთ თქვენი CV და სამოტივაციო წერილი, სადაც არგუმენტირებულად იქნება ასახული აღნიშნულ პროექტში თქვენი მონაწილეობის მოტივაცია, შემდეგ ელ-ფოსტაზე: application@caucasianhouse.ge

განაცხადების მიღების ბოლო ვადა: 22 ოქტომბერი

დამატებითი ინფორმაციისთვის დაუკავშირდით მაია ურუშაძეს

ელ-ფოსტაზე: maia.urushadze@caucasianhouse.ge;

ან ნომერზე: + 995 577 77 21 23

ჩამოტვირთეთ განცხადების სრული ტექსტი.

 

პროექტი ‘აქტიური პანკისი’ დასრულდა

დასრულდა საქართველოს პრეზიდენტის ადმინისტრაციის მხარდაჭერით განხორციელებული პროექტის “აქტიური პანკისის” ფარგლებში, პანკისის ხეობის საჯარო სკოლებში ჩატარებული ინტელექტუალური თამაშების ფინალური შეჯიბრები.

2 ივლისს ჩატარდა ინტელექტუალური თამაშის ფინალი, რომელიც მიეძღვნა კავკასიისა და ვაინახური ხალხის ისტორიას. კავკასიურმა სახლმა ყველა ფინალისტს საჩუქრად გადასცა კავკასიური სახლის მიერ აღნიშნულ თემატიკაზე გამოცენული წიგნების კრებული.

“კავკასიური სახლი” მოხარულია წვლილი შეიტანოს პანკისის თემის გაძლიერებაში და მუდამ მზად არის მხარი დავუჭიროს მსგავს ინციატივებს.

წყარო: pankisi.ge

 

ევროკავშირისა და წევრი სახელმწიფოების საგარეო დახმარება საქართველოში: პრიორიტეტული სფეროები და მიზნები

კვლევა მოიცავს, ერთი მხრივ, საქართველოსა და ევროკავშირს შორის თანამშრომლობის
ძირითად სფეროებს, მეორე მხრივ კი, საქართველოსა და ევროკავშირის წევრი ქვეყნების
ორმხრივ თანამშრომლობას. საკითხის სიღრმისეული შესწავლისთვის საჭიროა კვლევის
გაგრძელება ევროკავშირისა და მისი წევრი ქვეყნების პროგრამების/პროექტების ხარჯეფექტიანობის
შეფასების მიმართულებით, რათა გაანალიზდეს, რამდენად ეფექტურია დონორთა
მიერ დახარჯული თანხები კონკრეტული სფეროს განვითარებისთვის.

ჩამოტვირთეთ სრული ტექსტი

კულტურის კალენდარი 2017: განცხადებების მიღება დაიწყო

,,კავკასიური სახლის” პროექტი ,,კულტურის კალენდარი” 2004 წლიდან მიმდინარეობს და მის ფარგლებში ყოველწლიურად 30-მდე კულტურული ღონისძიება იმართება „კავკასიური სახლის“ საგამოფენო დარბაზსა თუ ეზოში.

2015 წლიდან ”კავკასიური სახლის” პროგრამის მენეჯმენტის გადაწყვეტილებით, პროექტს ღია კონკურსის სახე მიეცა. კონკურსში მონაწილეობა შეუძლიათ მიიღონ საქართველოში დარეგისტრირებულმა საზოგადოებრივმა ორგანიზაციებმა.

კონკურსის – „კულტურის კალენდარი“ – ფარგლებში დაფინანსდება კულტურის მცირებიუჯეტიანი  (500 ლარის ოდენობით) ინიციატივები, ერთჯერადი ღონისძიებები: გამოფენა, პერფორმანსები, კონცერტი, ლიტერატურული თუ მუსიკალური საღამო და სხვა.

ღია კონკურსის ფარგლებში დაფინანსებული ღონისძიებების ჩასატარებლად, ორგანიზაციებს შეუძლიათ ისარგებლონ ,,კავკასიური სახლის” ინფრასტრუქტურით (ეზო, დარბაზი და სხვ.). იმ შემთხვევაში, თუ დაფინანსებული პროექტის ჩატარება იგეგმება „კავკასიურ სახლში“, გრაფიკი უნდა შეთანხმდეს ღონისძიებების მენეჯერთან.

კონკურსის ფარგლებში არ დაფინანსდება პოლიტიკური პარტიები, პოლიტიკური შინაარსის ღონისძიებები და შესაბამისი ორგანიზაციები.

კონკურსში მონაწილეობის მისაღებად საჭიროა თანდართული განაცხადის შევსება (იხილეთ დანართი).

დამატებითი საბუთები
• კონკურსში მიიღება მხოლოდ საზოგადოებრივი ორგანიზაციების

განაცხადები.

• საპროექტო განაცხადს თან დაურთეთ ამონაწერი საჯარო რეესტრიდან
განაცხადის შემოტანის ბოლო ვადაა 30 ივნისი

კონკურსის შედეგები ცნობილი გახდება 10 ივლისს.

პროექტის განაცხადი გთოხვთ გადმოაგზავნოთ შემდეგ მისამართზე:

Culture.Calendar.CH@gmail.com

ვიდეოკონკურსის გამარჯვებულები

ერთი თვის წინ ”კავკასიურმა სახლის” ვიდეოსტუდიამ გამოაცხადა კონკურსი ვიდეომასალაზე, რომელიც ასახავს ჩვენი ქვეყნის მწვავე სოციალურ და ეკოლოგიურ პრობლემებს; ასახავს დაბალი კულტურისა და მოქალაქეობრივი შეგნების მქონე ადამიანთა საქციელს; მათ მიერ გარემოს დაბინძურებასა და დაზიანებას; ქუჩაში მოძრაობის წესების არაფრად ჩაგდებას; მძღოლების თავაშვებულობას; ადამიანთა მძიმე სოციალურ მდგომარეობას და სხვ.

გაცნობებთ:
უკვე გამოვლენილია ”კავკასიური სახლის” ვიდეოსტუდიის მიერ გამოცხადებულ კონკურსში გამარჯვებული ვიდეოინფორმაციები. გთავაზობთ სიას:

დავით ბიბილეშვილის  ვიდეორგოლი
გიგა უჩანეიშვილის  ვიდეომასალა ”საქართველოს ბუნება”
თეკლა სვიმონიშვილის  ”პატარა ლევანის საწუხარი”
ლევან ირემაშვილის  ”მდინარე სურამელა”

გამარჯვებულებს ვთხოვთ მობრძანდნენ ”კავკასიურ სახლში” ჯილდოს მისაღებად. გთხოვთ, წინასწარ შეგვატყობინოთ მოსვლის დღე და საათი.
ყოველი თვის ბოლოს კვლავ გამოვლინდება საუკეთესო ვიდეონამუშევრები.
კონკურსი გრძელდება.
ველით ახალ ნამუშევრებს.
”კავკასიური სახლის” ვიდეოსტუდია, 2017, 31 მაისი.

ვიდეოკონკურსი

”კავკასიური სახლის” ვიდეოსტუდია აცხადებს კონკურსს ვიდეომასალაზე, რომელშიც ასახული იქნება ეკოლოგიური და სოციალური პრობლემები.კონკურსის მიზანია, ხელი შეუწყოს როგორც სოციალური ჩაგვრისა და უთანასწორობის აღმოფხვრას, ასევე, ჩვენი, უზომოდ დაბინძურებულ-დაზიანებული სასიცოცხლო სივრცის დაცვას.

ვიდეომასალა შეიძლება გადაღებული იყოს სამოყვარულო კამერით, მობილური ტელეფონით და ა.შ.

ვიდეორგოლები განთავსდება ”კავკასიური სახლის” იუთუბ-არხზე.
საუკეთესო მასალის ავტორები დასაჩუქრდებიან.
კონკურსი ღიაა ნებისმიერი მსურველისთვის.

გთხოვთ, გამოაგზავნოთ თქვენი ვიდეომასალა მისამართზე: info@caucasianhouse.ge
გთხოვთ, სათაურის ველში მიუთითოთ ”ვიდეოკონკურსი”, ან მოიტანეთ პროდუქცია ”კავკასიურ სახლში” ორშაბათიდან პარასკევის ჩათვლით., 11 და 17 საათამდე.

მისამართი: გალაკტიონის ქ. N 20, 0105 თბილისი.
”კავკასიური სახლი”, ვიდეოსტუდია.

განაცხადების მიღება რეგიონებში სტრიტ არტის შესაქმნელად დაიწყო

პროექტი “სტრიტ არტი გარემოს დასაცავად” ეძებს მონაწილეებს. თუ ხარ სტრიტ არტით დაინტერესებული ახალგაზრდა და ცხოვრობ საქართველოს რომელიმე ქალაქში (თბილისის გარდა), დაინტერესებული ხარ ამავდროულად გარემოს დაცვის საკითხებით და გსურს ხელი შეუწყო მოსახლეობის ცნობიერების ამაღლებას ამ მიმართულებით, გამოაგზავნე აპლიკაცია 30 აპრილამდე.

პროექტის ფარგლებში შეირჩევა 3 ახალგაზრდა, რომელთაც მიეცემათ შესაძლებლობა საკუთარ ქალაქში განათავსონ ნამუშევარი გარემოს დაცვის თემატიკაზე. აპლიკაცია და პროექტის დეტალები იხილეთ ბმულზე.

მრგვალი მაგიდა ზუგდიდში: კონფლიქტები საქართველოში: ახალი გამოწვევების პოლიტიკური და ეკონომიკური ასპექტები

13 მარტს, 14 საათზე ზუგდიდში, დემოკრატიული ჩართულობის ცენტრის ოფისში, „კავკასიური სახლისა“ და „ნაციონალიზმისა და კონფლიქტების კვლევის ინსტიტუტის“ ორგანიზებით გაიმართება მრგვალი მაგიდა:

„კონფლიქტები საქართველოში: ახალი გამოწვევების პოლიტიკური და ეკონომიკური ასპექტები“

მომხსენებლები:
არჩილ გეგეშიძე – პოლიტიკის ანალიტიკოსი
ვახტანგ ლომჯარია – საქართველოს საზოგადოებრივ საქმეთა ინსტიტუტის (GIPA) ლექტორი
დავით ლოგუა – სახელმწიფო მართვის მაგისტრი

შეხვედრაზე აქცენტი გაკეთდება ქართულ-აფხაზურ და ქართულ-ოსურ კონფლიქტებზე. ასევე გაანალიზდება მსოფლიო სავაჭრო ორგანიზაციაში რუსეთის გაწევრიანების შემდეგ, საქართველოს ტერიტორიაზე გამავალი სავაჭრო დერეფნების პოლიტიკური და ეკონომიკური მნიშვნელობა.

მისამართი: რუსთაველის ქ. 52
დასწრება თავისუფალია!

დისკუსია ტარდება პროექტის “სამხრეთ კავკასიაში მშვიდობის, უსაფრთხოებისა და სტაბილურობის ახალი არქიტექტურის ფორმირება’’ ფარგლებში, რომელიც ხორციელდება დიდი ბრიტანეთის მთავრობის ფინანსური მხარდაჭერით

მრგვალი მაგიდა ბათუმში: კონფლიქტები საქართველოში: ახალი გამოწვევების პოლიტიკური და ეკონომიკური ასპექტები

12 მარტს, 15 საათზე ბათუმის ხელოვნების სასწავლო უნივერსიტეტში „კავკასიური სახლისა“ და „ნაციონალიზმისა და კონფლიქტების კვლევის ინსტიტუტის“ ორგანიზებით გაიმართება მრგვალი მაგიდა:

„კონფლიქტები საქართველოში: ახალი გამოწვევების პოლიტიკური და ეკონომიკური ასპექტები“

მომხსენებლები:
არჩილ გეგეშიძე – პოლიტიკის ანალიტიკოსი
ვახტანგ ლომჯარია – საქართველოს საზოგადოებრივ საქმეთა ინსტიტუტის (GIPA) ლექტორი
გიორგი მასალკინი – ბათუმის შოთა რუსთაველის სახელმწიფო უნივერსიტეტის ფილოსოფიის დეპარტამენტის ასოცირებული პროფესორი
მოდერატორი: გიორგი კანაშვილი – „კავკასიური სახლის“ აღმასრულებელი დირექტორი

შეხვედრაზე აქცენტი გაკეთდება ქართულ-აფხაზურ და ქართულ-ოსურ კონფლიქტებზე. ასევე გაანალიზდება მსოფლიო სავაჭრო ორგანიზაციაში რუსეთის გაწევრიანების შემდეგ, საქართველოს ტერიტორიაზე გამავალი სავაჭრო დერეფნების პოლიტიკური და ეკონომიკური მნიშვნელობა.

მისამართი: ვახტანგ გორგასლის ქუჩა 53
დასწრება თავისუფალია!

დისკუსია ტარდება პროექტის “სამხრეთ კავკასიაში მშვიდობის, უსაფრთხოებისა და სტაბილურობის ახალი არქიტექტურის ფორმირება’’ ფარგლებში, რომელიც ხორციელდება დიდი ბრიტანეთის მთავრობის ფინანსური მხარდაჭერით

პაატა ზაქარეიშვილის საჯარო ლექცია

14 მარტს, 19 საათზე ფაბრიკაში Impact Hub Tbilisi-ში კავკასიური სახლისა და საერთაშორისო არასამთავრობო ორგანიზაცია „International Alert”-ის პროექტის „ახალგაზრდული სამოქალაქო დიალოგის ინიციატივა“ ფარგლებში გაიმართება საჯარო ლექცია „ხელიდან გაშვებული შესაძლებლობები – კონფლიქტები საქართველოში და მოლაპარაკებების ისტორია 1989 წლიდან დღემდე“.

1993 წლის კონფლიქტის დასრულების შემდეგ ქართულ-აფხაზური და ქართულ-ოსური ურთიერთობები დიდი ხნის მაძილზე გაყინული იყო. მდგომარეობა გართულდა 2008 წელს რუსეთის ფედერაციის მხრიდან აფხაზეთისა და სამხრეთ ოსეთის ოკუპაციის შემდგომ. დღეს ჟენევის მოლაპარაკებები ჩიხშია შესული და მხარეებს შორის სტატუს ქვოს შეცვლის პერსპერქტიცა არ ჩანს. კონფლიქტის მოგვარების რა შესაძლებლობები ჰქონდათ მხარეებს საომარი მოქმედებების დასრულების შემდეგ და როგორია სიტუაცია დღეს?

ამ საკითხებზე ლექციას წაიკთხავს საქართველოს ყოფილი სახელმწიფო მინისტრი შერიგებისა და სამოქალაქო თანასწორობის საკითხებში, პაატა ზაქარეიშვილი.

დასწრება თავისუფალია!
მისამართი: ნინოშვილის #8, 0102 თბილისი