კვლევის პრეზენტაცია: საქართველოს სამშვიდობო პოლიტიკის 25 წელი

17 ოქტომბერს 19 სთ-ზე გაიმართა „კავკასიური სახლის“ ახალი კვლევის „საქართველოს სამშვიდობო პოლიტიკის 25 წელი“ პრეზენტაცია.

კვლევის მიზანია საფუძვლიანად აღწეროს და კრიტიკულად გაანალიზოს 1990-იანი წლებიდან 2016 წლამდე პერიოდის საქართველოს სამშვიდობო პოლიტიკა. კვლევაში აღწერილია აფხაზეთსა და სამხრეთ ოსეთში მომხდარი კონფლიქტების დარეგულირების პროცესი და სამთავრობო პოლიტიკა. კვლევა ქრონოლოგიურად ვითარდება და სხვადასხვა პერსპექტივიდან უყურებს სოხუმსა და ცხინვალთან თბილისის ურთიერთობების დინამიკას და მასში ცალკეული პიროვნებების, პოლიტიკური პარტიების, ქვეყნებისა თუ გლობალური კონტექსტის როლს.

სტრუქტურულად კვლევა სამ ძირითადად ნაწილად იყოფა: პირველი ნაწილი ეთმობა საქართველოს ეთნოპოლიტიკური კონფლიქტების ანალიზის მცირე თეორიულ ჩარჩოს, მეორე ნაწილი ფოკუსირებულია უშუალოდ საქართველოს ყოფილი და მოქმედი მთავრობების სამშვიდობო პოლიტიკის შესწავლაზე, ხოლო მესამე ნაწილში გაანალიზებულია ის ისტორიული და თანამედროვე გაკვეთილები, რომელიც სხვადასხვა კონფლიქტების ტრანსფორმაციისგან შეიძლება ისწავლოს საქართველომ საკუთარი პოლიტიკის ოპტიმიზაციისთვის. ნაშრომის ბოლოს შემოთავაზებულია „კავკასიური სახლის“ რეკომენდაციები და იდეური ხედვა, თუ რა როლი უნდა ეკავოს საქართველოს მთავრობას შერიგებისა და ქვეყნის გაერთიანების პროცესში.

პრეზენტაციაზე სიტყვით წარდგნენ კვლევის ავტორები:
ივანე აბრამაშვილი – „კავკასიური სახლის“ აღმასრულებელი დირექტორი
რევაზ ქოიავა – პოლიტოლოგი, ქართულ-ამერიკული უნივერსიტეტის მოწვეული ლექტორი

დისკუსიის მოდერატორი იყო, ნინო კალანდარიშვილი – „კონფლიქტებისა და ნაციონალიზმის კვლევის ინსტიტუტის“ თავჯდომარე

კვლევის ელექტრონული ვერსიის ჩამოსატვირთად, მიყჰევით ბმულს.

კვლევის წარდგენა: საქართველოს სამშვიდობო პოლიტიკის 25 წელი

17 ოქტომბერს 19 სთ-ზე გიწვევთ „კავკასიური სახლის“ ახალი კვლევის „საქართველოს სამშვიდობო პოლიტიკის 25 წელი“ პრეზენტაციაზე.

კვლევის მიზანია საფუძვლიანად აღწეროს და კრიტიკულად გაანალიზოს 1990-იანი წლებიდან 2016 წლამდე პერიოდის საქართველოს სამშვიდობო პოლიტიკა. კვლევაში აღწერილია აფხაზეთსა და სამხრეთ ოსეთში მომხდარი კონფლიქტების დარეგულირების პროცესი და სამთავრობო პოლიტიკა. კვლევა ქრონოლოგიურად ვითარდება და სხვადასხვა პერსპექტივიდან უყურებს სოხუმსა და ცხინვალთან თბილისის ურთიერთობების დინამიკას და მასში ცალკეული პიროვნებების, პოლიტიკური პარტიების, ქვეყნებისა თუ გლობალური კონტექსტის როლს.

სტრუქტურულად კვლევა სამ ძირითადად ნაწილად იყოფა: პირველი ნაწილი ეთმობა საქართველოს ეთნოპოლიტიკური კონფლიქტების ანალიზისთვის მცირე თეორიულ ჩარჩოს, მეორე ნაწილი ფოკუსირებულია უშუალოდ საქართველოს ყოფილი და მოქმედი მთავრობების სამშვიდობო პოლიტიკის შესწავლაზე, ხოლო მესამე ნაწილში გაანალიზებულია ის ისტორიული და თანამედროვე გაკვეთილები, რომელიც სხვადასხვა კონფლიქტების ტრანსფორმაციისგან შეიძლება ისწავლოს საქართველომ საკუთარი პოლიტიკის ოპტიმიზაციისთვის. ნაშრომის ბოლოს შემოთავაზებულია „კავკასიური სახლის“ რეკომენდაციები და იდეური ხედვა, თუ რა როლი უნდა ეკავოს საქართველოს მთავრობას შერიგებისა და ქვეყნის გაერთიანების პროცესში.

პრეზენტაციაზე სიტყვით წარდგებიან კვლევის ავტორები:

ივანე აბრამაშვილი – „კავკასიური სახლის“ აღმასრულებელი დირექტორი
რევაზ ქოიავა – პოლიტოლოგი, ქართულ-ამერიკული უნივერსიტეტის მოწვეული ლექტორი

მოდერატორი:
ნინო კალანდარიშვილი – „კონფლიქტებისა და ნაციონალიზმის კვლევის ინსტიტუტის“ თავჯდომარე

სამუშაო ენა: ქართული
პრეზენტაცია გაიმართება „კავკასიური სახლის“ საკონფერენციო დარბაზში
დასწრება თავისუფალია!

„კავკასიურ სახლში“ დოკუმენტური ფილმის „მრავალფეროვნების ძიებაში“ პრეზენტაცია ჩატარდა

9 ოქტომბერს „კავკასიურ სახლში“ ჩატარდა დოკუმენტური ფილმის „მრავალფეროვნების ძიებაში“ პრეზენტაცია

ფილმის აღწერა
საქართველოს მულტიკულტურალიზმის მრავალწლიანი ისტორია აქვს, ეთნიკურ ქართველებთან ერთად, ის არის და ყოველთვის იყო სამშობლო სხვადასხვა ეთნიკური ჯგუფის წარმომადგენელთათვის, რომლებიც, ხშირ შემთხვევაში, მცირე რაოდენობით არიან წარმოდგენილი და ხშირად, საზოგადოებასაც ნაკლები ინფორმაცია აქვს მათ შესახებ. ფილმი მოგვითხრობს შვიდი განსხვავებული ეთნოსის, ენის, რელიგიის წარმომადგენლის შესახებ, რომელთაც განსხვავებული პროფესიები და ცხოვრების წესი აქვთ, მაგრამ ერთი რამ აერთიანებთ, ისინი საქართველოს მოქალაქეები არიან და ეს უკანასკნელი საკუთარ სამშობლოდ მიაჩნიათ, რაც იმის დასტურია, რომ შესაძლებელია არ დაკარგო კავშირი საკუთარ ფესვებთან, მაგრამ, ამასთანავე, თავს ქართული საზოგადოების ნაწილად გრძნობდე.

ფილმის ჩვენების შემდეგ შედგა დისკუსია ფილმზე მომუშავე საინიციატიო ჯგუფის წევრებთან და ფილმის პერსონაჟებთან.

ფილმი შეიქმნა ახალგაზრდების საინიციატივო ჯგუფის მიერ, რომლებიც მონაწილეობდნენ კავკასიური სახლისა და International Alert-ის პროექტში „ახალგაზრდული სამოქალაქო დიალოგი“.

ღონისძიება ჩატარდა ილიას სახელმწიფო უნივერსიტეტში არსებულ თბილისის ახალგაზრდულ ცენტრში საქართველოს გაეროს ასოციაციის (UNAG) „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის (PITA)“ ფარგლებში, აშშ-ის საერთაშორისო განვითარების სააგენტოს (USAID) ფინანსური მხარდაჭერით.

წიგნის წარდგენა “ლარას ყველა ომი”

13 ოქტომბერს, 16:00 საათზე, „კავკასიური სახლი“ გიწვევთ თანამედროვე პოლონელი მწერლის, ვოიცეხ იაგიელსკის წიგნის თარგმანის – „ლარას ყველა ომი“ პრეზენტაციაზე.

„ლარას ყველა ომი“ პანკისის ხეობაში მცხოვრები ქისტი ქალის ნამდვილ ისტორიას მოგვითხრობს, რომელმაც ომის ქარტეხილებში ოჯახის ოთხი წევრი დაკარგა – მისი ორი ძმა ჯერ კიდევ ჩეჩენი მეთაურის, გელაევის აფხაზეთში ექსპედიციისას დაიღუპა, ხოლო, მოგვიანებით, სირიაში საბრძოლველად წასული მისი ორი ვაჟი ისლამური სახელმწიფოს იდეისთვის ბრძოლას შეეწირა. სანამ ვაჟები ცოცხლები იყვნენ, ლარა შეეცადა მათ გადარწმუნებას და ამისთვის სირიაშიც კი გაემგზავრა, თუმცა უშედეგოდ.
პოლონელი მწერალი თხრობის სისადავით გადმოგვცემს იმ განუზომელ ტრაგედიას, რაც არა მხოლოდ რომელიმე ცალკეული რეგიონის, არამედ გლობალური სამყაროს წინაშე დგას, კერძოდ წიგნი გვიჩვენებს რელიგიის რადიკალიზაციის და გლობალური სოციალური და პოლიტიკური ქარტეხილების დამანგრეველ ზემოქმედებას ადამიანის, ოჯახის, საზოგადოებისა და სახელმწიფოს მაგალითზე. მიუხედავად იმ ტრაგიზმისა, რაც წიგნის ყველა სტროფს წითელ ხაზად გასდევს, მოთხრობის მთავარი გმირი, მისი უდრეკი ხასიათი და სიცოცხლის სიყვარულით ნასაზრდოები ოპტიმიზმი, მკითხველს თავისდაუნებურად უსახავს უკეთესი მომავლის იმედსა და ცხოვრების მიმართ რწმენას.

წიგნი პოლონურიდან თარგმნა ამბროსი გრიშიკაშვილმა და გამოიცა “კავკასიური სახლის” მიერ პოლონეთის წიგნის ინსტიტუტის მხარდაჭერით.

პრეზენტაციაზე სიტყვით წარსდგებიან:

უხუცესთა საბჭოს თავმჯდომარე – ხასო ხანგოშვილი
მთარგმნელი – ამბროსი გრიშიკაშვილი
წიგნის მთავარი გმირი – ლეილა აჭიშვილი

ღონისძიებაზე პოლონეთიდან ჩაგვერთვება წიგნის ავტორი.

პრეზენტაციაზე შესაძლებელი იქნება წიგნის შეძენაც.

დასწრება თავისუფალია!

დოკუმენტური ფილმის “მრავალფეროვნების ძიებაში” პრეზენტაცია

9 ოქტომბერს, 19 სთ-ზე „კავკასიური სახლი“ გიწვევთ დოკუმენტური ფილმის „მრავალფეროვნების ძიებაში“ პრეზენტაციაზე.

ფილმის ტრეილერი:

ფილმის აღწერა
საქართველოს მულტიკულტურალიზმის მრავალწლიანი ისტორია აქვს, ეთნიკურ ქართველებთან ერთად, ის არის და ყოველთვის იყო სამშობლო სხვადასხვა ეთნიკური ჯგუფის წარმომადგენელთათვის, რომლებიც, ხშირ შემთხვევაში, მცირე რაოდენობით არიან წარმოდგენილი და ხშირად, საზოგადოებასაც ნაკლები ინფორმაცია აქვს მათ შესახებ. ფილმი მოგვითხრობს შვიდი განსხვავებული ეთნოსის, ენის, რელიგიის წარმომადგენლის შესახებ, რომელთაც განსხვავებული პროფესიები და ცხოვრების წესი აქვთ, მაგრამ ერთი რამ აერთიანებთ, ისინი საქართველოს მოქალაქეები არიან და ეს უკანასკნელი საკუთარ სამშობლოდ მიაჩნიათ, რაც იმის დასტურია, რომ შესაძლებელია არ დაკარგო კავშირი საკუთარ ფესვებთან, მაგრამ, ამასთანავე, თავს ქართული საზოგადოების ნაწილად გრძნობდე.

მისამართი: გალაკტიონ ტაბიძის ქ. 20
დასწრება თავისუფალია!
ფილმს წარადგენს ფილმზე მომუშავე ახალგაზრდების ჯგუფი და იდეის ავტორები.

ფილმი შეიქმნა ახალგაზრდების საინიციატივო ჯგუფის მიერ, რომლებიც მონაწილეობდნენ კავკასიური სახლისა და International Alert-ის პროექტში „ახალგაზრდული სამოქალაქო დიალოგი“.

ღონისძიება ხორციელდება ილიას სახელმწიფო უნივერსიტეტში არსებულ თბილისის ახალგაზრდულ ცენტრში საქართველოს გაეროს ასოციაციის (UNAG) „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის (PITA)“ ფარგლებში, აშშ-ის საერთაშორისო განვითარების სააგენტოს (USAID) ფინანსური მხარდაჭერით.

სალექციო კურსში მონაწილეობის მისაღებად განცხადებების მიღება დაიწყო!

„კავკასიურმა სახლმა“ დაიწყო განაცხადებების მიღება სალექციო კურსში „სამოქალაქო განათლება და მშვიდობის მშენებლობა“ მონაწილეობის მისაღებად.

სალექციო კურსი დაიწყება 24 ოქტომბრიდან და მოიცავს 12 ლექციას. ლექციები ჩატარდება “კავკასიურ სახლში“, კვირაში ორჯერ, საღამოს საათებში.

შერჩევის კრიტერიუმები
 ასაკი: 20-30 წელი;
 სამიზნე ჯგუფი: სტუდენტები, მკვლევრები, რომელთაც სურთ შეიძინონ/გაიღრმავონ ცოდნა სამოქალაქო განათლებისა და კონფლიქტის ანალიზის მიმართულებით.

დაინტერესებულმა პირებმა, გთხოვთ, შეავსოთ სააპლიკაციო ფორმა შემდეგ ბმულზე:  სააპლიკაციო ფორმა

პროექტის შინაარსი
„კავკასიური სახლი“ საერთაშორისო არასამთავრობო ორგანიზაცია “International Alert“-თან ერთად ახორციელებს პროექტს „ახალგაზრდული სამოქალაქო დიალოგის ინიციატივა“.
პროექტის მიზანია, სამხრეთ კავკასიაში მცხოვრებ ახალგაზრდებს მისცეს საფუძვლიანი ცოდნა დემოკრატიის, სამოქალაქო განათლების, ადამიანის უფლებების, კონფლიქტის ანალიზისა და ნაციონალიზმის საკითხებზე. სალექციო კურსი მოიცავს, როგორც ლექცია-სემინარებს აკადემიურ და თეორიულ საკითხებზე, ისე საინფორმაციო ხასიათის შეხვედრებს სამთავრობო სტრუქტურების წარმომადგენლებთან და ექსპერტებთან; ასევე თემატური ფილმების ჩვენებასა და დისკუსიებს. პროექტის შედეგად მონაწილეები შეიძენენ ცოდნასა და უნარებს, რაც მნიშვნელოვანი იქნება სამომავლოდ პოლიტიკის ფორმირებისა და სამოქალაქო აქტივიზმისთვის.
სალექციო კურსის დასრულების შემდეგ გაიცემა სერთიფიკატი, ხოლო აქტიური მონაწილეები დამატებით გაივლიან სამდღიან ინტენსიურ ტრეინინგს კონფლიქტების ანალიზში.

განაცხადების მიღების ბოლო ვადაა: 7 ოქტომბერი
დამატებითი ინფორმაციისთვის დაგვიკავშირდით
ელ-ფოსტაზე: m.gachechiladze91@gmail.com

გამოფენა “ქალაქის ურბანული და ეკოლოგიური განვითარება”

13 ივლისს კავკასიური სახლში გაიმართა გამოფენა ,,ქალაქის ურბანული და ეკოლოგიური განვითარება’’. გამოფენაზე წარმოდგენილი იყო კავკასიური სახლის სალექციო კურსის მონაწილეების სამოყვარულო ფოტო ნამუშევრები.

ღონისძიებაზე ჟიურის მიერ გამოვლენილი საუკეთესო ფოტოს ავტორი ცია ლაბაძე დაჯილდოვდა ფოტოაპარატით Fujifilm Intax 8 Mini . ხოლო საუკეთესო ბლოგის ავტორს თათია ქინქლაძეს გადაეცა ქინდლი. გამარჯვებული ბლოგი განთავსდება კავკასიური სახლის ანალიტიკურ ვებ-გვერდზე regional-dialogue.com

კონკურსი ჩატარდა კავკასიური სახლის სალექციო კურსის კურსდამთავრებულთა ინიციატივით, კავკასიური სახლისა და საერთაშორისო ორგანიზაცია International Alert-ის პროექტის “ახალგაზრდული სამოქალაქო ინიციატივა” ფარგლებში.

საზაფხულო ახალგაზრდული ბანაკი „აგორა“

პროექტის აღწერა

„კავკასიური სახლის“ ორგანიზებით, 10-13 აგვისტოს, საქართველოში მცხოვრები ქართველი და ეთნიკური უმცირესობების წარმომადგენელი ახალგაზრდებისთვის, ლაგოდეხში ეწყობა საზაფხულო ახალგაზრდული ბანაკი „აგორა“ სამოქალაქო აქტივიზმის თემატიკაზე. პროექტის ფარგლებში სამი დღის განმავლობაში ჩატარდება ინტენსიური ტრეინინგი თემებზე, როგორებიცაა სამოქალაქო აქტივიზმის იდეა, მისი სახეები და ტრანსფორმაცია მსოფლიო ისტორიაში, გამოხატვის ფორმები, ვიზუალური ხელოვნება და სხვა მნიშვნელოვანი საკითხები. ბანაკი მოიცავს როგორც თეორიულ, ასევე პრაქტიკულ ასპექტებს. პროექტის ფარგლებში მოწვეულნი იქნებიან აკადემიური სფეროს წარმომადგენლები და სამოქალაქო აქტივისტები, რომლებიც საკუთარ გამოცდილებას გაუზიარებენ ბანაკის მონაწილეებს.

მიზნები:
1. აღნიშნული პროექტის მიზანია მონაწილეთა მოქალაქეობრივი ცნობიერების ამაღლება
2. ეთნიკური უმცირესობების წარმომადგენლების სრულფასოვანი ინტეგრაციის ხელშეწყობა ქართულ საზოგადოებაში.

პროექტში მონაწილეობის კრიტერიუმები:
• აუცილებელია იყო საქართველოში მცხოვრები ახალგაზრდა (უპირატესობა მიენიჭებათ ეთნიკური უმცირესობების წარმომადგენლებს)
• ფლობდე ქართულ ენას მინიმალურ სასაუბრო დონეზე
• ასაკი – 18-25 წლამდე

დამატებითი ინფორმაცია:
პროექტთან დაკავშირებულ ყველა ხარჯს ფარავს „კავკასიური სახლი“. პროექტის წარმატებულ მონაწილეებს გადაეცემათ სერთიფიკატი.დაინტერესების შემთხვევაში, გთხოვთ, შეავსოთ სააპლიკაციო ფორმა

საკონტაქტო პირი:  მარიამ ძაგოევი (ტელ: 598 550 410)
განაცხადის მიღების ბოლო ვადა – 22 ივლისი

ბანაკი ეწყობა კავკასიური სახლის სალექციო კურსის კურსდამთავრებულთა ინიციატივით, კავკასიური სახლისა და საერთაშორისო ორგანიზაცია International Alert-ის პროექტის “ახალგაზრდული სამოქალაქო ინიციატივა” ფარგლებში.

“კულტურულ ურთიერთობათა ცენტრი – კავკასიური სახლი”
მისამართი: თბილისი, გალაკტიონ ტაბიძის ქ.#20

პროექტ „კავკასიური სახლის სახალხო უნივერსიტეტის“ 2018 სასწავლო წლის გახსნა

პროექტ „კავკასიური სახლის სახალხო უნივერსიტეტის“ 2018 სასწავლო წლის გახსნა.

20 თებერვალს მუშაობა განაახლა პროექტმა „კავკასიური სახლის სახალხო უნივერსიტეტი“ – გაიხსნა 2018 წლის სასწავლო ციკლი. საკონფერენციო დარბაზში შეკრებილ ახალგაზრდებს ასევე საქართველოს სხვადასხვა რეგიონებში შექმნილ სასწავლო ჯგუფებში გაერთიანებულ მსმენელებს მიესალმნენ კოორდინატორი თამარ უჯუხუ, ლექცია-სემინარების მოდერატორი, სასწავლო პროგრამის ავტორი და ლექტორი ლევან ლორთქიფანიძე, კავკასიური სახლის თანამშრომელი, პროექტის კონსულტანტი მიხეილ ბეროშვილი და მონიტორინგის ჯგუფის ხელმძღვანელი ლიკა ლოლაშვილი. მათ ხაზი გაუსვეს ამ საგანმანათლებლო პროექტის მნიშვნელობას და მსმენელთა აქტიურ ჩართულობას მის მუშაობაში.

რეგიონული ჯგუფების ხელმძღვანელებმა – ქეთევან ლატარიამ (შოთა მესხიას ზუგდიდის სახელმწიფო სასწავლო უნივერსიტეტის საზოგადოებასთან ურთიერთობის განყოფილების უფროსი), ნინო კახაშვილმა ( იაკობ გოგობაშვილის სახელობის თელავის სახელმწიფო უნივერსიტეტის საზოგადოებასთან ურთიერთობის სამსახურის უფროსი, ასოცირებული პროფესორი), ირმა კვირკვიამ (ზუგდიდის მუნიციპალიტეტის ბიბლიოთეკის მართვის ცენტრის ციფრული ტექნოლოგიებითა და ელექტრონული რესურსებით მომსახურების განყოფილების უფროსი), ანა იმნაძემ (სსიპ გორის სახელმწიფო სასწავლო უნივერსიტეტის საერთაშორისო და საზოგადოებასთან ურთიერთობის სამსახურის უფროსი), მადონა მაქაცარიამ (ზუგდიდის მუნიციპალიტეტის ბიბლიოთეკის მართვის ცენტრის დირექტორი) მაკა კაჭკაჭიშვილმა (არასამთავრობო ორგანიზაცია „ნეოფილების კლუბის“ დამფუძნებელი) აღნიშნეს პროექტის განსაკუთრებული მნიშვნელობა საქართველოს სხვადასხვა ქალაქებში მცხოვრები სტუდენტებისათვის, რომელთაც სკაიპ-კონფერენციების მეშვეობით სრულყოფილად ისმენენ კავკასიურ სახლში მოწვეული ცნობილი მეცნიერების მიერ წაკითხულ ლექციებს თანამედროვეობის ყველაზე აქტუალურ საკითხებზე – იქნება ეს ქართულ-კავკასიური, რუსულ-ქართული ურთიერთობები, კავკასიელი ხალხების ისტორია, კულტურა, ტრადიციები, ევროპული დემოკრატიები, ასევე ეკოლოგია, ეკონომიკა, დემოგრაფიის საკითხები.

20 თებერვალს ჩატარებული გაცნობითი ტრენინგ-სემინარის შემდეგ, რომელსაც უძღვებოდა ტრენერი სოსო მიქელაძე, 21 თებერვალს ლექცია თემაზე – „კავკასიის რეგიონის თეორიული კონტექსტების დიოქრონია“ წაიკითხა ივანე ჯავახიშვილის თბილისის სახელმწიფო უნივერსიტეტი კავკასიოლოგიის ინსტიტუტის ხელმძღვანელმა, პროფესორმა ცირა ბარამიძემ. ეს გახლდათ ერთგვარი შესავალი იმ მეტად აქტუალური თემებისა, რომელზედაც წლის განმავლობაში ისაუბრებენ ცნობილი ექსპერტები და მეცნიერები – ისტორიკოსები, პოლიტოლოგები, კულტუროლოგები და ა. შ.

22 თებერვალს კი პროექტის მონაწილეებისთვის ლექცია თემაზე „რადიკალური მემარჯვენე ძალების აღმასვლა ევროპაში. მიზეზები და შედეგები“ წაიკითხა დოქტორანტმა ლევან ლორთქიფანიძემ.

„კავკასიური სახლი“ მიესალმება „სახალხო უნივერსიტეტის“ მსმენელებს, როგორც თბილისში, ისე რეგიონებში და უსურვებს მათ წარმატებებს.

„კავკასიურმა სახლმა“ დაიწყო განაცხადების მიღება

კულტურულ ურთიერთობათა ცენტრი – კავკასიური სახლი გიწვევთ მონაწილეობის მისაღებად სასწავლო პროექტში ,,შავი ზღვისა და აღმოსავლეთ ევროპის დიალოგი: ახალგაზრდები მდგრადი მშვიდობისთვის“

პროექტის მიზანი
სადისკუსიო პლატფორმა ,,შავი ზღვისა და აღმოსავლეთ ევროპის დიალოგი: ახალგაზრდები მდგრადი მშვიდობისთვის“ ითვალისწინებს შავი ზღვის აუზისა და აღმოსავლეთ ევროპის ქვეყნებიდან ახალგაზრდა პროფესიონალებისა და სტუდენტების ჩართვას მნიშვნელოვან რეგიონალურ საკითხებზე დისკუსიის წასახალისებლად.

პროექტის მიზანია ხელი შეუწყოს ახალგაზრდებს უკეთესად შეიცნონ საბჭოთა კავშირის დაშლის შემდგომ, პოსტ-სოციალისტურ ქვეყნებში მიმდინარე პოლიტიკური, ეკონომიკური და სოციალური ტრანსფორმაციის პროცესები. განხილული იქნება ასევე ის გამოწვევებიც, რომლის წინაშეც ეს ქვეყნები დღესაც დგანან. თითოეული მათგანი ადგას თავის უნიკალურ გზას დემოკრატიზაციისკენ, რომელსაც ახლავს სოციალური და რიგ შემთხვევაში ეთნიკური კონფლიქტები. მსოფლიოს ამ ნაწილში ჯერ კიდევ რჩება მრავალი გადაუჭრელი საკითხი, რომლის გარშემოც არსებობს განსხავებული ხედვები, შესაბამისად, უაღრესად მნიშვნელოვანია არსებობდეს აზრთა გაცვლის შესაძლებლობა იმ საკითხებზე, რომელიც არ კარგავს აქტუალურობას და დღესაც დგას რეგიონის ქვეყნების პოლიტიკურ დღის წესრიგში.

კურსის მიზანი:
* შეიქმნას მდგრადი პლატფორმა შავი ზღვისა და აღმოსავლეთ ევროპის ახალგაზრდა ექსპერტებს შორის ინფორმაციის გასავრცელებლად;
* მომზადდეს ახალგაზრდა თაობის ექსპერტების ჯგუფი, რომელიც შეძლებს გაამრავალფეროვნოს რეგიონის განვითარებისა და მშვიდობის მშენებლობის ხედვები;
* წახალისდეს დისკუსია რეგიონში არსებული კონფლიქტების მშვიდობიანი გზით ტრანსფორმაციასა და გარდამავალ პერიოდში არსებულ გამოწვევებზე.

პროექტის კომპონენტები
* 4 დღიანი საგანმანათლებლო პროგრამა. უნგრეთი, 9-12 მაისი, 2018;
* მოწვეული უცხოელი მომხსენებლები წაიკითხავენ ლექციებს დემოკრატიზაციის გზაზე არსებულ გამოწვევებზე, აღმოსავლეთ ევროპაში არსებულ პოლიტიკურ და ეკონომიკურ ტრანსფორმაციაზე, ევროკავშირის გადაწყვეტილებების მიღების პოლიტიკაზე და აღმოსავლეთ პარტნიორობაზე, ასევე შავი ზღვის აუზში კონფლიქტების მართვის პროცესზე;
*კურსის მსვლელობისას გაიმართება ახალგაზრდული ფორუმი, სადაც პროექტის მონაწილეებს შესაძლებლობა ექნებათ საკუთარი ხედვები გაუზიარონ ერთმანეთს მათი ქვეყნებისა და რეგიონის პოლიტიკური და ეკონომიკური განვითარების პერსპექტივებზე. საუკეთესო მოხსენებები გამოქვეყნდება კავკასიური სახლის და მისი ევროპელი პარტნიორების გვერდებზე.
* შავი ზღვის რეგიონიდან და აღმოსავლეთ ევროპის ქვეყნებიდან შეირჩევა სულ 20 მონაწილე.
სამუშაო ენა – ინგლისური.

ხარჯები
მგზავრობასთან და განთავსებასთან (კვება მათ შორის) დაკავშირებულ ყველა ხარჯს დაფარავს კავკასიური სახლი.

შერჩევის პირობები:
* ასაკი: 20-30 წელი;
* სამიზნე ჯგუფი: პოლიტიკური მეცნიერების, საერთაშორისო ურთიერთობების, სოციოლოგიის, ჟურნალისტიკის, ეკონომიკის და მომიჯნავე სპეციალობების სტუდენტები და კურსდამთავრებულები;
* აკადემიური სივრცის წარმომადგენლები, ჟურნალისტები, სახელმწიფო მოხელეები, არასამთავრობო სექტორის წარმომადგენლები და აქტივისტები;
* ინგლისური ენის ცოდნა;

განაცხადის შემოტანა:
გამოაგზავნეთ თქვენი CV და სამოტივაციო წერილი არაუგვიანეს 2018 წლის 23 მარტისა.
ელ. მისამართზე: application@caucasianhouse.ge
გადაწყვეტილების შესახებ გეცნობებათ 30 მარტს.

დამატებითი შეკითხვების არსებობის შემთხვევაში გთხოვთ დაუკავშირდეთ პროექტის ასისტენტს – ივანე აბრამაშვილს ელ. მისამართზე: ivane.abramashvili@caucasianhouse.ge

კავკასიური სახლის შესახებ
კავკასიური სახლის საქმიანობა მოიცავს კულტურულ, საგანმანათლებლო და მშვიდობის მშენებლობის საკითხებს. ორგანიზაციის მიზანია შექმნას საფუძველი ერთიანი კულტურული, იდეური და ინტელექტუალური სივრცისთვის კავკასიასა და უფრო ფართოდ, შავი ზღვის რეგიონში.

კავკასიური სახლის საქმიანობა მიმართულია სამოქალაქო და სამშვიდობო განათლების გაძლიერებაზე, ასევე ინტერკულტურული დიალოგისა და ტოლერანტობის წახალისებაზე. კავკასიური სახლი ბოლო ორი ათწლეულის განმავლობაში აქტიურად მუშაობს კავკასიასა და შავი ზღვის რეგიონში კონფლიქტების ტრანსფორმაციის ხელშეწყობაზე სამოქალაქო დიპლომატიისა და სხვადსხვა ახალგაზრდული პროექტის საშუალებით.

პროექტი ხორციელდება Black Sea Trust, a project of the German Marshall Fund of the United States ფინანსური მხარდაჭერით.